Portali i dyshimtë në gjuhën shqipe “newstoday64.com” ka publikuar një artikull me titull “Cramon: Albin Kurti nuk bënë asgjë për përfitime personale, ai është Hero i Shqipëtarëve”.
Pas kontrollit të fakteve të kryer nga hibrid.info, del që titulli i këtij artikulli është i sajuar, ndërsa lajmi është i vjetër i cili është publikuar në muajin shkurt të vitit 2021.
Hibrid.info ka gjetur lajmin e publikuar në kohë reale nga disa media online, ku eurodeputetja gjermane, Viola Von Cramon, kishte komentuar fitoren e liderit të Lëvizjes Vetëvendosje, Albin Kurti në zgjedhjet e 14 shkurtit, duke thënë se “Më ka bërë përshtypje që ai një pro politikan për nga bindja dhe nuk bënë asgjë për përfitime ekonomike”.
Pra, Cramon nuk është shprehur se ai është hero i shqiptarëve, siç pretendohet rrejshëm në titullin e artikullit të publikuar në “neëstoday64.com”.
Pjesë nga teksti i artikullit të publikuar në “newstoday64.com”:
Fitoren e liderit të Lëvizjes Vetëvendosje, Albin Kurti në zgjedhjet e 14 shkurtit, e ka komentuar edhe Eurodeputetja gjermane, Viola Von Cramon.
Cramon, në një intervistë për gazetën gjermane “Die Wochenzeitung”, ka vlerësuar lartë Kurtin, duke thënë se ai nuk bënë asgjë për përfitime ekonomike, edhe pse ai është pro politikan për nga bindja.
“Më ka bërë përshtypje që ai një pro politikan për nga bindja dhe nuk bënë asgjë për përfitime ekonomike”, ka potencuar Cramon.
Vegëza e artikullit të publikuar në “newstoday64.com”:
I njëjti artikull është shpërndarë edhe në Facebook nga faqja “Gazeta Aktive”, e cila numëron mbi 90 mijë ndjekës dhe në këtë postim ka arritur të grumbullojë numër të madh reagimesh.
https://www.facebook.com/GazetaAktive/posts/4222370791173100
Më poshtë mund të gjeni artikullin e publikuar në kohë reale (18.02.2021) nga disa media online:
https://insajderi.org/von-cramon-kurti-nuk-bene-asgje-per-perfitime-ekonomike/
https://korrespodenti.com/lajme/von-cramon-vlereson-kurtin-ai-nuk-ben-asgje-per-perfitime-ekonomike/
Analiza:
Portali i dyshimtë “newstoday64.com” ka përdorur një lajm të vjetër, të cilin e ka publikuar me pretendimin ta paraqesë si aktual duke i vënë titull të sajuar.
Hibrid.info pas analizës së kontrollit të fakteve, e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.