Pretendimet që Bill Gates ka zgjedhur të “rrisë të ardhurat e tij” me “projekte të mbrapshta” që përfshijnë “bllokimin e diellit” dhe “prodhimin e vaksinave toksike” në vend që t’i jepet fund varfërisë dhe përmirësimit të mjedisit, janë mashtruese.
Një meme që përfshin këto pretendime, është shpërndarë qindra herë në Facebook dhe përfshin një imazh të filtruar me ngjyrë të gjelbër në fytyrën Gates. Në titullin e mbivendosur thuhet: “Pse një person që ka mjaft para për t’i dhënë fund urisë në botë, t’i japë fund varfërisë, të gjenerojë tokë dhe t’i pastrojë oqeanet, zgjedhë t’i hedhë paratë e tij në mushkonjat OMGJ, duke bllokuar diellin, duke krijuar mish të rremë dhe më e rëndësishmja duke prodhuar vaksina toksike për 7 miliardë njerëz?”.
https://www.facebook.com/lisette.chesshire/posts/3940556782687985
Ky post ka nxjerrë disa nga iniciativat e Gates jashtë kontekstit duke bërë keqinterpretimin e qëllimeve të deklaruara të miliarderit, domethënë të përdorë pasurinë e tij për të gjetur mënyra për t’i dhënë fund varfërisë, për të trajtuar sëmundjet dhe për të ndalur ndryshimin e klimës.
https://www.gatesfoundation.org/about/our-role#jump-nav-anchor1
https://www.gatesfoundation.org/about/our-story
Në fakt, shumë nga këto qëllime që në këto postime mohohen që Gates i ka bërë, janë dokumentuar që kur Bill dhe ish-bashkëshortja e tij Melinda Gates, bashkëthemeluan Fondacionin e tyre “Bill dhe Melinda Gates” në 2000, duke bashkuar Fondacionin William H. Gates të babait të Bill Gates me Fondacioni i Mësimit të Gates. Tani është një nga organizatat më të mëdha bamirëse në botë me fokus në shëndetin publik dhe arsimin.
Midis viteve 1994 dhe 2018, Gates i kanë dhënë fondacionit më shumë se 36 miliardë dollarë, sipas faqes në internet të fondacionit, me grante gjithashtu duke përfshirë 1.75 miliardë dollarë për iniciativat e vaksinave gjatë pandemisë COVID-19.
https://www.reuters.com/business/retail-consumer/wealth-philanthropy-bill-melinda-gates-2021-05-03/
Sidoqoftë, Përmbajtja e postimit në Facebook për vaksinat “toksike” ka të ngjarë të burojë nga keqinformimi, i zbardhur më parë nga Reuters, në lidhje me planet për të trajtuar mbipopullimin. Bill Gates në një konferencë TED në 2010, kishte thënë se përmirësimi i kujdesit shëndetësor publik, si shërbimet riprodhuese dhe vaksinat, mund të kufizojnë rritjen e popullsisë. Këto komente janë hequr vazhdimisht nga konteksti për të keqtransmetuar planet Gates duke pretenduar rrejshëm se qëllimi i tij është vrasja e miliarda njerëzve me inokulime. Më shumë mund të shihet në lidhje me këto pretendime:
https://www.reuters.com/article/factcheck-gates-vaccine-idUSL1N2MF1L8
https://www.reuters.com/article/uk-factcheck-bill-gates-fake-3-billion-q-idUSKBN29Y20D
Në mënyrë të ngjashme, investimet e tij në mushkonjat e modifikuara gjenetikisht (OMGJ) lidhen me qëllimet e fondacionit për t’i dhënë fund varfërisë, sëmundjeve dhe pabarazisë në të gjithë botën (www.gatesfoundation.org/). Oxitec, një kompani britanike e bioteknologjisë (www.oxitec.com), ka lëshuar mushkonja të modifikuara gjenetikisht me një gjen vet-kufizues në Brazil (këtu), Ishujt Kajman (këtu), Panama (këtu) dhe Shtetet e Bashkuara (këtu).
(Artikulli i plotë në gjuhë angleze i seksionit të Reuters për kontroll të fakteve)
