Portali i dyshimtë në gjuhën shqipe “news254media.com” ka publikuar një artikull me titull të rremë “Çfare po ndodhe ne Levizjen Vetevendosje, filluan ‘krisjet’ e para mes Albin Kurtit dhe Mimoza Kusarit”.
Hibrid.info pas kontrollit të fakteve në këtë artikull, ka vërtetuar se titulli nuk i përgjigjet përmbajtjes, si dhe lajmi është i vjetër, i publikuar në maj të këtij viti.
Pas klikimit në artikull shihet se nuk ofrohet ajo që pretendohet në titull, pra bëhet fjalë për një deklaratë të Mimoza Kusari-Lila, e cila atëkohë në emisionin “Rubikon” në Klan Kosova kishte thënë se “Nuk jam pjesë e Vetëvendosjes, statuti s’e lejon të jem Shefe e Grupit Parlamentar”.
Pra, pretendimi se ka mospajtim apo “krisje” në mes të Kusari-Lilës dhe kryeministrit të vendit, Albin Kurtit, është rrejshëm.
Vegëza e artikullit të publikuar në “news254media.com”:
Ky artikull u publikua edhe në rrjetin social Facebook nga faqja me emrin “Shqipëria”, e cila numëron afër 60 mijë ndjekës, ndërsa në këtë publikim ka arritur të grumbullojë reagime dhe komente të shumta.
https://www.facebook.com/permalink.php?story_fbid=225451932926865&id=100063861801475
Më poshtë mund të gjeni artikullin autentik të publikuar në kohë reale në “klankosova.tv”.
Analiza:
Portali i dyshimtë “news254media.com” ka publikuar një deklaratë të vjetër të Mimoza Kusari-Lilës, me pretendimin ta paraqesë atë si aktuale. Gjithashtu, në këtë artikull është vënë qëllimshëm titull i rremë.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.