Takimi i presidentit ukrainas Volodymyr Zelenskiy me Presidentin e SHBA Joe Biden në Uashington më 21 dhjetor ka nxitur përhapjen e një fotografie që duket se është edituar për të treguar rrejshëm dorën e Bidenit duke prekur të pasmet e Zelenskiy-it.
Kjo fotografi u shpërnda nga disa përdoruesit e mediave sociale kanë shpërndarë më 22 dhjetor. Kjo fotografi që paraqet Presidentin e Shteteve të Bashkuara të Amerikës (SHBA) Joe Biden dhe Zonjës së Parë, Jill Biden me Presidentit të Ukrainës Volodymyr Zelenskyy u bë viral, pasi që paraqet një imazh të rremë. Hibrid.info, ka trajtuar këtë mashtrim në disa hapa, duke u bazuar edhe në kontrollet e fakteve nga Reuters dhe Eassyway.
Vegëzat e llogarive në mediat sociale që shpërndanë këtë fotografi:
Pas bërjes virale të kësaj fotografie, kontrolluesit i fakteve janë marrë me autencitetin e saj. Gjatë verifikimit, është kontrolluar për një imazh të ngjashëm të shpërndarë në internet dhe është gjetur se Jill Biden ngarkoi kuadrin e saktë më 21 dhjetor (koha lokale) me mbishkrimin duke thënë: “President Zelenskyy, shpresojmë që të ktheni dashurinë dhe mbështetjen tonë për Olena-n dhe fëmijët tuaj, dhe të gjitha familjet e Ukrainës”. Sidoqoftë, u vu re se dora e Presidentit Biden nuk ishte askund afër të pasmeve të Presidentit Zelenskyy. (këtu)
Imazhi i paraqitur përmes fotografisë së edituar u kontrollua nga Eassyway në disa hapa: Hapi i parë tregonte se ka pasur ndryshim të madhësisë së imazheve. Në këtë pikë, ishte e qartë se një nga imazhet ishte edituar.
Më pas u zmadhua imazhi deri në pikën ku mund të shihnim vetëm treshen që qëndronte në kornizë.
Në pikën 1, do të vini re se kushdo që e redaktoi këtë imazh ia preu krahun Presidentit Biden dhe e rrotulloi poshtë drejt pjesës së pasme të Presidentit Zelenskyy.
Në pikën 2, do të vini re se rrudha në shpinën e Presidentit Zelenskyy është fshirë gjatë redaktimit. Krahu i Presidentit Biden ishte këtu në fotografinë origjinale.
Në pikën 3, do të vini re në imazhin origjinal se dora e Jill ishte në gishtin e madh të Presidentit Biden. Kushdo që e redaktoi nuk mund ta hiqte gishtin e madh, i cili është ende nën dorën e Jill-it.
Në pikën 4, do të vini re se rrudha e shpinës së Presidentit Zelenskyy u fshi për të mbuluar vendin bosh të krijuar nga heqja e krahut të Presidentit Biden.
Gjithashtu në videon e mbërritjes së Presidentit Zelenskyy, në pjesën kohore 0:40 në video, Jill Biden vendosi dorën e saj në shpinën e Presidentit Zelenskyy, më pas Presidenti Biden vendosi dorën e tij në shpinën e Presidentit Zelenskyy. Siç mund ta vini re, dora e Presidentit Biden nuk ishte në të pasmet e Zelenskyy. (këtu)
Analiza:
Më 22 dhjetor, një imazh i Presidentit të Shteteve të Bashkuara të Amerikës (SHBA) Joe Biden, Zonjës së Parë të SHBA-së Jill Biden dhe Presidentit të Ukrainës Volodymyr Zelenskyy u bë virale në të cilën Presidenti Biden shihet duke prekur të pasmet e Zelenskyy-it.
Fotografia që përshkruan presidentin amerikan Biden duke prekur të pasmet e presidentit ukrainas Zelenskiy është redaktuar. Në fotografinë origjinale, Biden shihet duke prekur shpinën e Zelenskiy.
Në bazë të metodologjisë së punë kjo fotografi vlerësohet si “Mashtrim”.
