Disa media të dyshimta kanë publikuar artikuj me tituj të sajuar, në të cilën kanë paraqitur pretendime të pavërteta për gjoja disa akuza të kryetarit të AAK-së, Ramush Haradinaj, ndaj atij të VV-së, Albin Kurti.
Njëra nga këto portale të dyshimta, që ka arritur të gjeneroj trafik më të madh me një pretendim të till, është “Specialja.com”. Në titullin e artikullit të publikuar nga ky portal shkruan “Ramush Haradinaj: Populli e din që kurrë nuk mund ta ec te para Kosovën çifti i Albin Kurtit”.
Mirëpo, ashtu sikurse ky artikull, po edhe të ngjashmit, në përmbajtje kanë një pjesë të publikuar në portalet online të përballjes televizive të Haradinajt me analistë, në kuadër të emisionin “Pressing” në T7.
Përmbajtja e artikullit të “Specialja.com” e marr nga intervista e Haradinajt në T7, e publikuar në portale online:
Drejtori i Gazetës Insajderi, Parim Olluri dhe kryetari i AAK’së Ramush Haradinaj ka diskutuar lidhur me disa komente në kohën e kaluar ndaj liderit të VV’së, Albin Kurti. Olluri ia ka kujtuar Harandinaj dikur e quante Kurtin mashtrues. Haradinaj i është përgjigjur duke thënë se kur nuk realizon shpresat qe i ke dhënë qytetarëve atëherë je mashtrues.
“Dua të jem i kujdesshëm në fjalë. Por nuk do të ndodhë ajo që thonë këta. Mund të mos jem më i miri në qeverisje. Por ajo që po trumbetojnë këta nuk është e vërtetë. Ende shpresoj që mrekullitë mund të ndodhin. Por nuk e ndaj bindjen me të ata që thonë në momentin kur vjen VV do të bëhet mirë në Kosovë. E para këta duhet të mësohen të qeverisin. Nëse nuk realizohet shpresa atëherë është mashtrim”, ka thënë ai.
Vegëzat e shkrimit të publikuar nga disa media online:
https://www.gazetaexpress.com/olluri-ia-kujton-haradinajt-me-heret-albinit-i-thoshe-mashtrues/
Pra përmbajta e artikullit, sikurse te rasti i “Specilja.com” edhe në media tjera të dyshimta, nuk përputhet me titujt që në këtë rast janë të sajuar dhe nxitës.
Vegëza e artikullit të publikuar nga Specialja dhe disa adresa tjera online:
Analiza:
Ky artikull i Specialja.com por edhe portaleve tjera të dyshimta, të paraqitur në këtë analizë, shihet se përmban titull tendencioz, që nuk i përgjigjet përmbajtjes së artikullit. Ky lloj artikulli mund të ketë për qëllim që të nxis lexueshëmrinë dhe trafikun online të faqes dhe artikullit, por edhe të dezinformojë lexuesit. Për këtë arsye një artikull i tillë kategorizohet si “clickbait” dhe “dezinformatë”.
Arsyetimi:
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
