Faqja në Facebook me përmbajtje në gjuhën shqipe “IDEALISTI-al” ka publikuar dje (6 dhjetor) një postim rreth situatës në Gaza, të cilin e ka pasqyruar me një imazh.
Pas verifikimit të fakteve të kryer nga hibrid.info, është vërtetuar se imazhi i paraqitur në këtë postim nuk paraqet qytetin e shkatërruar të Gaza-s.
Vegëza e artikullit të publikuar në Facebook nga faqja “IDEALISTI-al”:
Pas hulumtimit të kryer përmes programit të automatizuar “InVID”, hibrid.info ka vërtetuar se imazhi i postuar nga faqja e lartcekur paraqet qytetin irakian Mosul.
Imazhi është gjetur i publikuar nga mediumet e huaja si “NBCNews.com” dhe “NYPost.com”. (shih këtu dhe këtu)
Në përshkrimin e kësaj fotografie të realizuar në vitin 2017 nga Felipe Dana / AP, sqarohet se pamjet paraqesin ndërtesa dhe dyqane të shkatërruara në qytetin e vjetër të Mosulit, Irak.
Screenshot i artikullit të publikuar në NBC News
Analiza:
Pas verifikimit të fakteve të kryer nga hibrid.info, është vërtetuar se faqja në Facebook “IDEALISTI-al” ka publikuar një fotografi të vitit 2017 të qytetit Mosul në Irak, me pretendimin se pamjet paraqesin qytetin e shkatërruar të Gaza-s.
Bazuar në metodologjinë e punës, hibrid.info e vlerëson këtë postim si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
