Disa media online në gjuhën shqipe kanë publikuar një artikull me titull “Qëndro larg këtyre lëngjeve para gjumit, nëse do të biesh në peshë”.
Në këtë artikull shkruhet se si qumështi dhe kafeja nuk duhet të konsumohen në rastet kur synohet rënia në peshë. Megjithatë, këtij shkrimi i mungon burimi i informacionit dhe nuk dihet se nga cili studim është marrë.
Një pjesë nga teksti origjinal i publikuar në mediat online:
Qëndro sa më larg qumështit. Laktoza mund të shkaktojë probleme me tretjen, kur në fakt po përpiqesh të mos shtosh të tjera. Laktoza është sheqer dhe mund të shkaktojë edhe zgjim në mes të natës për shkak të urisë. Thjesht mos e bëj!
Kafja, siҫ dihet, nuk është ide e mirë për t’u pirë në darkë. Ashtu si qumështi, edhe kafja të mban zgjuar për një kohë të gjatë. Mungesa e gjumit bëhet shkak edhe për të ngrënë diҫka tjetër më vonë. Në vend të kafes, zgjidh ҫajin jeshil, ҫaj kamomili apo ҫajra të tjerë qetësues (pa sheqer), që ju ndihmojnë për të fjetur.
Vegëzat e artikullit të botuar në disa media online:
https://www.koha.mk/qendro-larg-ketyre-lengjeve-para-gjumit-nese-do-te-biesh-ne-peshe/
Ekzistojnë studime të ndryshme rreth ndikimit të kafesë dhe qumështit në shëndetin e njeriut si dhe në metabolizëm të organizmit, të cilat do të mund të merreshin për bazë nga mediat përkatëse në hartimin e artikullit. Hibrid u sjell një artikull të ngjashëm në gjuhën angleze që sqaron në detaje për ndikimin e kafes dhe qumështit në dietë, i cili është i bazuar në referenca dhe studime.
Vegëza e artikullit të publikuar në bicycling.com:
Analiza:
Ky artikull nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Hibrid.info këtë artikull e kategorizon si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
