Ditë më parë (2 nëntor) është shpërndarë një video në të cilën shihet se si një infermiere ushtron dhunë fizike ndaj një të moshuare, banore e qendrës për të moshuarit “Orenda” në Pejë.
Rasti në fjalë zuri vend të madh në sferën mediale e cila ndikojë që të ketë edhe keqinformime rreth këtij rasti.
Në mesin e keqinformimit lidhur me rastin ishte ai i mediumit serb “Alo.rs”, i cili nëpërmjet një artikulli të publikuar pretendon se e moshuara e dhunuar që paraqitet në video-materialin e publikuar është e komunitetit serb. Ky pretendim është shpërndarë edhe nëpër faqe të tjera të mediave social, si nga faqja e Instagramit “Crna Gora Srpska Sparta” (Mali i Zi Sparta Serbe)
Hibrid.info ka trajtuar këtë keqinformim në bazë të metodologjisë së punës dhe e ka klasifikuar si manipulim i fakteve.
Avokimi i hibrid.info lidhur me rastin zuri vend në faqet e verifikuesve të fakteve (fact-checkers) të njohur në Ballkan, pjesë e rrjetit ndërkombëtarë të verifikuesve të fakteve (IFCN).
Rrjeti i njohur për verifikim të fakteve “Raskrinkavanje” (.me, .ba, .rs) me shtrirje në Bosnje e Hercegovinë, Mal të Zi e Serbi, e ka trajtuar rastin e manipulimit të fakteve rreth ngjarjes duke u bazuar në trajtimin e bërë nga hibrid.info. (këtu, këtu, këtu)
Dezinformata lidhur me identitetin etnik të gruas së moshuar e dhunuar fizikisht në shtëpinë e pleqve ka zënë hapësirë edhe në disa media spanjolle. Me gjasë mediat spanjolle pretendimin e bazojnë në dezinformatat e bëra nga mediat serbe lidhur me identitetin etnik të viktimës.
Pasi informimit të bërë nga hibrid.info se po dezinformohet rreth identitetit etnik të viktimës, verifikuesi i njohur i fakteve nga Spanja, “Maldita.es” ka publikuar në faqen e saj të vërtetën lidhur me rastin e të moshuarës, bazuar në trajtimin e bërë nga hibrid.info. (këtu)
Rasti i keqinformimit dhe dezinformatave lidhur me rastin e të moshuarës ndaj të cilës u ushtrua dhunë fizike, përveç se u trajtua nga hibrid.info, po ashtu i informuan të gjithë verifikuesit e fakteve në nivel ndërkombëtarë, pjesë të (IFCN) lidhur me rastin.