Disa portale të dyshimta kanë publikuar një artikull me titull “Kosovarët nga 1 shtatori do të paguajnë më shumë për regjistrim të veturës, kjo është shuma”.
Hibrid.info pas kryerjes së kontrollit të fakteve, ka vërtetuar se ky artikull përmban titull të rremë, si dhe lajmi është i vjetër, i publikuar më 14 korrik të këtij viti.
Lajmi ka të bëjë me vendimin e Ministrisë Mjedisit, Planifikimit Hapësinorsë dhe Infrastrukturës, ku qytetarët obligoheshin të pajisen me tiketa ngjitëse pas regjistrimit të automjeteve të tyre, për identifikim më të lehtë të veturave që kanë të kryer kontrollin teknik, e këto tiketa do t’u kushtonin shoferëve nga 5 euro.
Megjithatë, ky vendim tashmë është pezulluar, pas raportimeve në media (këtu) të cilat pretendonin se ishin identifikuar parregullsi në procesin e tenderimit në këtë ministri. Megjithatë, vendimi për pezullim nga autoritetet e kësaj ministrie, u arsyetuar se ka ndodhur “për të kursyer qytetarët”.(pezullimi i vendimit këtu)
Pra, shoferët në Kosovë nuk do të paguajnë më shumë për regjistrim të veturës nga muaji shtator, siç pretendohet rrejshëm në titullin e artikullit të publikuar në disa portale të dyshimta.
Vegëzat e artikullit të publikuar në portalet e dyshimta si: “gazetaplisi.com”, “newstoday74.com” dhe “konakushqiptar.com”:
I njëjti artikull është shpërndarë edhe në Facebook nga faqet “Gazeta Aktive”, “Në Kohë” dhe “Gazeta Arbëria”.
https://www.facebook.com/GazetaAktive/posts/189006039936088
https://www.facebook.com/nekohe/posts/188793166615251
https://www.facebook.com/Gazeta66/posts/3989617507809357
Më poshtë mund të gjeni artikullin autentik të publikuar në kohë reale (14 korrik 2021) nga portali syri.net.
Analiza:
Këto portale të dyshimta kanë publikuar një lajm të vjetër të cilin janë munduar ta paraqesin si aktual, duke i vënë titull të rremë.
Ky artikull u postua edhe në Facebook nga disa faqe, të cilat kanë marrë reagime dhe komente të shumta.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
