Portali i dyshimtë “Specialja.com” ka publikuar një artikull me titull “Tahir Sylaj tregon se temperaturat do të shkojnë deri në -20 Gradë nga java tjetër”.
Ky artikull është i vjetër, i cili është publikuar me 11 janar të këtij viti. Ndërsa portali i dyshimtë “Specialja.com” e ka ri-publikuar atë shkrim, duke lënë të kuptohet se bëhet fjalë për javën e ardhshme.
Teksti i artikullit të publikuar në Specialja.com:
Tahir Sylaj tregon se temperaturat do të shkojn deri në -20 Gradë nga java tjetër
Profesori i Meteorologjisë, Sylë Tahirsylaj ka treguar për temperaturat e ftohta që do të kaplojnë vendin përgjatë ditëve në vijim të muajit dhjetor,duke thënë se në gjysmën e dytë të këtij muaji,temperaturat do të shkojnë deri në -20 gradë celcius.
Tahirsylaj thotë se gjatë ditëve në vijim do të ketë një ulje më të madhe të temperaturave, si ato minimale edhe të atyre maksimale. Profesori i Meteorologjisë,Sylë Tahirsylaj ka treguar për temperaturat e ftohta që do të kaplojnë vendin. / Ju ftojmë të hapni markentingun për pak sekonda dhe shfaqen pamjet ekskluzive
Vegëza e artikullit të publikuar në Specialja.com:
Më poshtë mund të shihni artikullin origjinal të publikuar në kohë reale nga disa media online:
Analiza:
Portali i dyshimtë “Specialja.com” ka publikuar një lajm të vjetër, duke aluduar se lajmi është aktual. Ky artikull hyn kategorizohet si “Lajm i rremë”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.