Një fotografi e marrë nga një episod i serialit “The Simpsons” nga e cila po pretendohet se është marrë logoja e re e Twitter, ka qarkulluar në rrjetet sociale.
Në këtë fotografi shihet një celular dhe logoja e re “X” e medias sociale Twitter.
Por që pas verifikimit është vërtetuar se fotografia është e manipuluar.
Verifikimi i kësaj fotografie është bërë nga kontrolluesit e fakteve nga Spanja “Maldita.es” (shih këtu).
Vegëza e fotografisë së postuar në Twitter:
Në këtë fotografi pretendohet se logoja e re e Twitter është marrë nga një episod i “The Simpsons”, e cila shfaq një celular në të cilin paraqitet një aplikacion me logon e re të Twitter-it, “X”.
Por që verifikuesi i fakteve “maldita.es” ka hulumtuar dhe ka treguar se imazhi është i montuar dhe ka arritur të gjejë fotografinë reale, e cila është marr nga episodi 21 i sezonit të 23-të, të shfaqur në vitin 2012 (shih këtu).
Kontroll i fakteve nga Maldita.es
Në fotografinë e shkëputur nga episodi i serialit “The Simpsons”, shihet se aplikacioni ka një tjetër logo, që e hedhë poshtë pretendimin se ky serial i animuar ka parshikuar ndryshimin e logos së Twitter.
Përveç në median sociale Twitter, fotografia e njëjtë është gjetur nga hibrid.info e publikuar edhe nga një llogari në Instagram. (shih këtu)
Analiza:
Një fotografi ka qarkulluar në rrjetet sociale, ku pretendohet se “The Simpsons” parashikoi për logon e re të Twitter.
Por që pas verifikimit është vërtetuar se fotografia është e montuar.
Bazuar në metodologjinë e punës, hibrid.info i ka vlerësuar këto faqe si “Mashtrim”.