Disa media në gjuhën serbe kanë publikuar një artikull dje (4 qershor) lidhur me reagimin e, Blerim Velës, shefit të kabinetit të presidentes së Kosovës, Vjosa Osmanit, lidhur me protestat e opozitës në Beograd.
Sipas këtyre mediumeve, Vela është shprehur i lumtur dhe krenar lidhur me protestat e opozitës në Beograd, duke pretenduar të ketë thënë: “Jam krenar për njerëzit që protestojnë në Beograd, gjithçka më mban erë Maidani dhe jam shumë i lumtur për këtë”.
Për këtë ka reaguar drejtori i Zyrës për Kosovën në Qeverinë e Serbisë, Petar Petkoviq, me pretendimin se protestat në Beograd të cilat, sipas tij, po përkrahen nga Kurti, po bëhen për ardhjen e një qeverie që do ta njoh Kosovën.
Pas verifikimit të fakteve është gjetur se cicërima e Velës në Twitter është shtrembëruar nga mediat në gjuhën serbe.
Vegëza artikujve të publikuar në disa media në gjuhën serbe:
https://informer.rs/vesti/politika/799947/opozicija-protest-blerim-vela-majdan
Pjesë të artikullit të publikuar në disa media në gjuhën serbe:
BLERIM Vela, shef i kabinetit të të ashtuquajturit president Kosova Vjose Osmani, ka mbështetur protestat politike të opozitës në Beograd.
“Jam krenar për njerëzit që protestojnë në Beograd, gjithçka më mban erë Maidan dhe jam shumë i lumtur për këtë”, ka shkruar ai në Twitter.
Mediat në gjuhën serbe, duke iu referuar një cicërime të Velës, kanë ngritur pretendimin se ky i fundit i është shprehur i lumtur dhe krenar ndaj protestës opozitare në Beograd, duke e shtrembëruar deklaratën e tij në këtë cicërim, ku interpretohet të ketë thënë: “Jam krenar për njerëzit që protestojnë në Beograd, gjithçka më mban erë Maidani dhe jam shumë i lumtur për këtë”.
Për këtë ka reaguar edhe Petar Petkoviq, duke e interpretuat këtë cicërimë të Velës si përkrahje e protestave të opozitës në Beograd nga Kurti, dhe se po kërkohet një qeveri që do ta njoh Kosovën si shtet.
Në fakt, Vela në profilin e tij në Twitter, duke shpërndarë videon e mediumit në gjuhën serbe “N1” foto nga protesta e opozitës në Beograd, ka shkruar se: “Duke marrë ca atmosferë Maidani nga Beogradi. Kështu duken protestat në Serbi kur ato nuk organizohen nga Vuçiqi dhe makineria e tij e dhunshme SNS. Të qeta dhe të denja. Një Serbi që është vërtet demokratike dhe e integruar në BE është një garanci për paqen dhe stabilitetin në rajon.”
Pra, nga kjo cicërimë kuptohet se Vela nuk është shprehur se është i lumtur apo krenar me protestën e opozitës në Beograd.
Lidhur me pretendimet e Petkoviqit ka reaguar Vela duke i quajtur paranojake dhe që nxisin argumente irracionale dhe të rreme.
“Gjendja shpirtërore e regjimit të Vuçiqit: Paranoja! Ata nuk mund të pranojnë se shumë njerëz në Serbi janë të ngopur me gënjeshtrat e tyre! Në vend të kësaj ata gjejnë ‘armiq’ dhe ‘aleanca’ që nuk ekzistojnë dhe nxisin argumente irracionale dhe të rreme”.
Analiza:
Faktet tregojnë se shefi i kabinetit të Presidencës, Blerim Vela, nuk ka deklaruar se është krenar “për njerëzit që protestojnë në Beograd” dhe se është shprehur i “lumtur”.
Në fakt vela ka thënë: Duke marrë ca atmosferë Maidani nga Beogradi. Kështu duken protestat në Serbi kur ato nuk organizohen nga Vuçiqi dhe makineria e tij e dhunshme SNS.
Mediat në gjuhën serbe kanë shtrembëruar deklaratën e Velës.
Edhe reagimi i Petkoviqit nuk bazohet në fakte rreth pretendimit se protestat po përkrahen nga Kurti dhe nëpërmjet tyre po kërkohet një Qeveri në Serbi që e njeh shtetin e Kosovës.
Bazuar në metodologjinë e punës hibrid.info këtë pretendim e vlerëson si “manipulim i fakteve”.
Vlerësimi:
Vlerësimin si “Manipulim i fakteve” marrin ato raportime mediatike që përdorin fakte të njohura si të sakta, por i interpretojnë ato në mënyrë të shtrembëruara. Këto raporte zakonisht përdorin informacion të saktë për të nxjerrë përfundime ose pretendime të pasakta, duke drejtuar kështu përfundimet e konsumatorëve të përmbajtjes së mediave në drejtim të gabuar në lidhje me kuptimin aktual të fakteve të paraqitura.
