Portali i dyshimtë “GazetaProgresi.com” ka publikuar një artikull me titull “Pas Nasim Haradinajt dhe Hysni Gucatit, ky lider politik niset për në Hagë”.
Ky artikull përmban titull të rremë, pasi në tekst nuk shkruan për asnjë emër tjetër që është arrestuar nga Policia e Eulex-it me urdhër të Gjykatës Speciale.
Pas verifikimit nga hibrid.info, deri tani (26 shtator) nuk ka asnjë zyrtar tjetër apo lider politik në Kosovë që është arrestuar nga Gjykata Speciale pas Nasim Haradinajt dhe Hysni Gucatit.
Teksti origjinal në GazetaProgresi.com:
Pas Nasim Haradinajt dhe Hysni Gucatit, ky lider politik niset për në Hagë.(VIDEO)
Dje në zyrat e OVL-UÇK, dy liderët e këtij institucioni, Hysni Gucati dhe Nasim Haradinaj u kapën dhe do të dërgohën në Hagë. Mirëpo këta nuk janë të vetmit.
Pak momente më parë, në shesh të qytetit të Prishtinës nga autoritet ndërkombëtare është kapur kryetari i… – p3r ta pa.r3 vid.3on e plo.t3 shty.pn1 hap.s1r3n po.sht3
Vegëza e artikullit të botuar në GazetaProgresi.com:
Analizë:
Titulli i këtij artikulli është i rremë, teksti i sajuar, pasi në shkrim nuk përmendet emër i ndonjë lideri politik të Kosovës që është dërguar në Hagë. Ky artikull kategorizohet si “Lajm i rremë”, “Dezinformatë” dhe “Clickbait”..
Arsyetimi:
Lajm i rremë
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait
“Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
