Llogaritë e Donald Trump janë pezulluar nga Twitter dhe Facebook, pasi shkrimit të një postimi në Twitter për mbështetësit e tij që sulmuan ndërtesën e Kapitolit në Washington – SHBA.
Përmes një mesazhi në Twitter, Trump mbështeti protestuesit duke ju shkruar “Ju dua”, para se t’u thoshte të shkonin në shtëpi. Ai përsëriti gjithashtu pretendime të rreme në lidhje me mashtrimet zgjedhore.
Në Twitter thanë se kërkohej heqja e tre cicërimave për “shkelje të ashpra të politikës sonë të Integritetit qytetar”.
Nga kjo kompani thanë se llogaria e presidentit do të mbetët e mbyllur përherë, nëse cicërimat në fjalë nuk largohen. Në këtë kompani (Twitter) gjithashtu thanë se nëse vazhdohet me shkeljen e rregullave, do të ketë largim të përhershëm të llogarisë @realDonaldTrump.
Ndërsa, Facebook dhe Instagram i kanë pezulluar postet e Trump për 24 orë. Edhe YouTube e ka larguar videon e tij. Gjithashtu edhe Snapchat ia ka ndalë mundësinë Trump-it që të krijojë poste të reja, por nuk e ka bërë të qartë se për sa kohë.
(Artikullin e plotë në gjuhën angleze mund ta gjeni të publikuar në BBC)
