Portali “Insajderi.org”, ka publikuar dje (5 shtator) artikullin me titull “Zemaj konfirmon: Maqedonia e Veriut nesër hap kufijtë me Kosovën”.
Titulli i këtij artikulli nuk përputhet me përmbajtje, pasi që në deklaratën e tij të publikuar në Facebook, ministri i Shëndetësisë, Armend Zemaj, ka njoftuar se Komisioni për Sëmundjet Infektive të Maqedonisë së Veriut ka bërë vetëm propozim për hapjen e kufijve edhe për Kosovën pa teste PCR. Ndërsa i njëjti propozim nevojitet të miratohet sot (6 tetor) nga Qeveria e këtij shteti fqinjë.
Pjesë të shkëputura nga artikulli i publikuar në Insajderi.org:
Zemaj e ka mirëpritur edhe largimin nga lista e zezë të Kosovën nga disa vende perëndimorë, ai e cilësoi këtë si mundësi për bashkatdhetarët të vijnë në Kosovë.
“Me kolegun tim maqedonas kemi qenë në komunikim intensiv. Besojmë që nesër në mbledhjen e tyre të qeverisë do të largohet kushtëzimi i testit PCR dhe të kalojmë në nivel tjetër të komunikimit dhe zbatimin e tjerave masave mbrojtëse të cilat janë evidente”.
Vegëza e artikullit të publikuar në Insajderi.org:
Vegëza e njoftimit të Zemajt në Facebook:
Analizë:
Artikulli i Insajderi.org përmban titull jo të saktë, i cili nuk përputhet me përmbajtjen. Ky artikull hyn në kategorinë si “Dezinformatë”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.