Një faqe në Facebook me emrin “Shërbime online” ka publikuar një postim me fotografinë e një gruaje, duke pretenduar histori të sajuar në gjuhën shqipe, gjoja se personi që shihet në këtë imazh është Sylvia Beatrice me origjinë kanadeze që jeton në Francë.
Në këtë postim, faqja e lartcekur pretendon se personi në fjalë (Sylvia Beatrive) ka vendosur që të ndajë pasurinë e saj, duke qenë se vuan nga një sëmundje. Ndërsa për të pranuar këtë donacion bëhet thirrje që të interesuarit të kontaktojnë në një numër telefoni (+ 370 633 94220).
Pas verifikimit përmes programit të automatizuar “InVID”, shfaqet vetëm një rezultat sa i përket fotografisë së kësaj gruaje. Rezultati vjen nga makina e kërkimit “Yandex”, që shfaq një vegëz të një platforme online (bazë e të dhënave për njerëzit sipas qyteteve në Rusi) të quajtur “Lib-li.com”.
Ndërsa bazuar në rezultatet e kësaj makine të kërkimit, hibrid.info ka arritur të gjejë fotografinë e kësaj gruaje, e që në këtë platformë është e regjistruar me emrin “Fati Sancheny”.
Vegëza e postimit të publikuar në Facebook nga faqja “Shërbime online”:
Postimi i publikuar në Facebook nga faqja “Shërbime online”:
Merrni përshëndetjet e mia më të mira. Unë quhem Sylvia Beatrice, jam me origjinë kanadeze dhe jetoj në Francë. Jam 76 vjec kam nje semundje qe me denon me vdekje eshte kanceri i fytit dua te dhuroj nje shume prej 350 000€ nga fondet e mia ne banke do dhuroj 350 000€ cdo personi te ndershem qe duke pranuar mund të ndihmoj jetimët, uroj ta bëj me bekim. Me lot në sy ju ofroj këtë dhuratë. Per me shume informacion kontaktoni ne kete numer http://sa.me/+ 370 633 94220
Imazhi i gruas së moshuar që është përdorur nga faqja e lartcekur, hibrid.info ka arritur ta gjejë përmes programit të automatizuar “InVID”, që e shfaq profilin e saj në platformën “Lib-li.com” me emrin “Sancheny Fati”. (shih këtu)
Tjetër fakt shtesë që argumenton se postimi nga faqja e lartcekur është i rremë, e tregon edhe numri kontaktues që është shfaqur në këtë histori të sajuar. Hibrid.info ka verifikuar prefix-in e dhënë në këtë status (+370), i cili i takon shtetit të Lituanisë (këtu).
Analiza:
Pas kontrollit të fakteve dhe trajtimit i tyre, u kuptua se pretendimi i bërë në këtë postim është tërësisht i sajuar. Pra postimi i bërë nga faqja “Shërbime online” në Facebook është një histori e trilluar e bazuar në fotografi false.
Fotografia e të moshuarës u gjet në rezultatet e dhëna pas kërkimit përmes programit të automatizuar “InVID”, që e shfaq atë me emrin “Fati Sancheny” në platformën online (bazë e të dhënave për njerëzit sipas qyteteve në Rusi) “Lib-li.com”.
Bazuar në metodologjinë e punës, hibrid.info e vlerëson këtë postim/njoftim si “Mashtrim”.
