Sot (11 gusht) është publikuar një artikull nga agjencia e lajmeve më bazë në Beograd “Tanjug.rs” me titull “Vuçiq: Prishtina dëshiron të sulmojë veriun e Kosovës dhe Metohisë, duke përgatitur likuidimin e serbëve”. Artikulli i publikuar në “Tanjug.rs” bazohet në prononcimet e bëra nga Presidenti Serb, Vuçiq i cili pretendon se “Pishtina dëshiron të sulmojë veriun e Kosovës, duke përgatitur likuidimin e serbëve”.
Këto komentet nga kreut i shtetit serb erdhën pas intervistave të kryeministrit kosovar, Albin Kurti, të dhëna për disa media ndërkombëtare për “prezencën e një rreziku të lartë për një konflikt të ri midis Kosovës dhe Serbisë”. (shih këtu)
Hibrid.info pas verifikimit të fakteve ka vlerësuar se deklarimet e presidentit serb, janë të pabaza dhe vlerësohen si teori konspirative.
Vegëza e artikullit të publikuar në agjencinë e lajmeve “Tanjug.rs”:
http://www.tanjug.rs/full-view.aspx?izb=745566
Pjesë nga artikulli i publikuar në “Tanjug.rs”:
Presidenti i Serbisë, Aleksandar Vuçiq, tha sot se Prishtina po e përdor situatën në Ukrainë për të bërë fushatë kundër Serbisë dhe se është gënjeshtër se Serbia dëshiron të sulmojë këdo, por krejt e kundërta – është Prishtina ajo që dëshiron të sulmojë veriun e vendit. Kosova e Metohi dhe po përgatit likuidimin e popullit tonë nën petkun e luftimit të krimit, prandaj i paralajmëroi që të mos e bëjnë këtë.
Duke komentuar deklaratën e Albin Kurtit se Beogradi po ndjek një politikë agresive me akuza se Beogradi mund të shkaktojë konflikt, Vuçiq tha se kjo është disi qesharake, sepse kemi 170 ditë që dëgjojmë gënjeshtra të ngjashme, duke shtuar se “mijëra e mijëra” gënjeshtra janë publikuar në mediat botërore se si Serbia po e sulmon dikë, diku?
Pretendimet e presidentit Serb, Vuçiq, të publikuara në artikullin e agjencisë se lajmeve “Tanjug.rs” janë të pabazuar në fakte konkrete. Vuçiq pretendimet e tij i ndërton duke i ndërlidh me intervistat e Albin Kurtit dhënë mediumeve ndërkombëtare (La Republica, Radio Evropa e Lirë dhe Reuters), dhe duke i interpretuar ato si fushatë kundër Serbisë, dhe se jo Serbia por Kosova është duke planifikuar një sulm për likuidimin e serbëve.
Ky artikull me pretendimin e presidentit serb, është publikuar i përkthyer edhe në disa media në gjuhën shqipe (shih këtu dhe këtu)
Analiza:
Deklaratat e presidentit serb Vuçiq, ndërlidhur me intervistat e Albin Kurtit të bëra së fundmi për mediat ndërkombëtare, duket se janë keqinterpretuar duke e akuzuar Prishtinën për sulm për likuidimin e serbëve.
Albin Kurti, në intervistën e dhënë për agjencinë ndërkombëtare të lajmeve Reuters, deklaron se: “nuk përjashtohet mundësia e ngritjes së tensioneve dhe konflikteve të reja”, deklaratë që nuk le hapësirë për interpretimet për ndonjë sulm ndaj serbëve. Pretendimet e tilla nga ana e Vuçiqit rezultojnë të jenë narrativë politike e sajuar dhe e pa mbështetur në fakte konkrete.
Bazuar në metodologjinë e punës, hibrid.info e vlerëson deklaratën e Vuciqit si “teori konspirative”.
Arsyetimi:
Vlerësim si “Teori konspirative” marrin ato raportime mediatike të cilat shpërndajnë një përshkrim të rremë ose të paverifikueshëm të një dukurie, ngjarje ose një personi, duke e paraqitur atë si pjesë ose rezultat të një plani të fshehtë (“komplot”). Karakteristikë e këtyre raportimeve është se ato paraqesin një seri pretendimesh, të paraqitura si fakte, midis të cilave vendosen marrëdhënie shkak-pasojë, pa ofruar ndonjë provë të besueshme.
