Llogaria në TikTok “lumjanana009” ka publikuar sot dy fotografi në të cilat shihet figura e presidentit të Rusisë, Vladimir Putin, duke u arrestuar nga policia dhe ushtria.
Në njërën fotografi është vënë mbishkrimi “ARRESTOHET PRESIDENTI RUSE VLLADIMIR PUTIN”.
Pas hulumtimit të bërë nga hibrid.info, është vërtetuar se këto fotografi janë komike të cilat janë publikuar në platformën online 9gag.com.
Vegëza e postimit të publikuar në TikTok nga llogaria “lumjanana009”:
https://www.tiktok.com/@lumjanana009/video/7215494484467993883
Pas hulumitmit përmes programit të automatizuar online “InVID”, hibrid.info ka vwrtetuar se ëto imazhe janë publikuar në platformën online për video dhe fotografi komike 9gag.com (këtu) nga përdoruesi me emër Jonathan Ruiz (shih këtu). Në përshkrimin e bërë në këtë llogari shkruan “My Funny Collection” që në shqip përkthehet “Koleksioni im qesharak”.
Ndërsa në përshkrimin e këtyre fotografive që paraqitet “arrestimi” i Putinit, ky përdorues ka shkruar “Sooner or later, dictators like Putin go to jail or commit suicide”, që në shqip do të thotë “Herët a vonë, diktatorët si Putin shkojnë në burg ose kryejnë vetëvrasje”. (shih këtu)
Analiza:
Fotografitë komike që paraqesin “arrestimin” e Vladimir Putinit, llogaria “lumjanana009” në TikTok është munduar t’i paraqesë si të mirëqena. Gjithashtu, nga kjo llogari është ngritur edhe pretendimi i rremë se “arrestohet presidenti rus Vladimir Putin”.
Bazuar në metodologjinë e punës, hibrid.info e vlerëson këtë publikim në TikTok si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
