Një faqe në Facebook me emrin “Donacion” ka publikuar me 10 shkurt një postim me fotografinë e një gruaje të moshuar, duke pretenduar ta ndërtojnë një histori të sajuar gjoja se e njëjta ka vendosur që ta jap pasurinë e saj, duke qenë se vuan nga një sëmundje.
Faqja “Donacion” pretendon se gruaja quhet Sabrina Alves dhe, në të njëjtin postim, ftojnë të interesuarit për të marr pasurinë e saj, duke kërkuar që japin të dhënat përmes një numri në aplikacionin “WhatsApp”.
Në këtë postim, faqja e lartcekur i ka bashkangjitur edhe dy fotografi, njëra tregon një grua të moshuar, e tjetra duket se janë disa dokumentacione mjekësore.
Mirëpo, pas verifikimit përmes programit të automatizuar “InVID”, hibrid.info ka arritur të gjejë se fotografia e gruas që paraqitet në imazh është marrë nga platformat online për ngarkim fotografish si “shutterstok” dhe “freepik” të publikuara nga llogaria me emrin “zurijeta”.
Ndërsa fotografia e dytë me dokumentacione mjekësore duket se është e lëshuar nga insitucionet relevante në Taxhikistan. Kjo është vërtetuar gjatë përkthimit me “Google Lens”, ku në njërin nga dokumentet vërehet emri i qytetit të këtij shteti, Dushanbe.
Vegëza e postimit të publikuar në Facebook nga faqja “Donacion”:
Imazhi i gruas së moshuar që është përdorur nga faqja e lartcekur, hibrid.info ka arritur t’i gjejë në platformat online “shutterstock” dhe “freepik”. (shih këtu dhe këtu)
Bazuar në gjetjet e dhëna nga përkthimi i dokumentacioneve përmes “Google Lens”, qartësohet se ato janë lëshuar nga institucione të shtetit të Taxhikistanit, konkretisht qytetit Dushanbe. (shih këtu)
Analiza:
Nga procesi i kontrollit të fakteve dhe trajtimi i tyre u kuptua se pretendimi i bërë në këtë postim është tërësisht i sajuar. Pra ky pretendim është një histori e trilluar e bazuar në disa fakte false. Fotografia e të moshuarës u pa se është marrë nga platforma për blerje online të imazheve, ndërsa dokumenti shëndetësor u pa së është i lëshuar nga autoritetet e Taxhikistanit, saktësisht kryeqytetit Dushanbe. Bazuar në metodologjinë e punës, hibrid.info e vlerëson këtë postim/njoftim si “Mashtrim”.
