Disa portale (media online) kanë publikuar një artikull me pretendim se janë gjetur mjete shpërthyese afër Veternikut në Prishtinë.
Pas verifikimit të fakteve të kryer nga hibrid.info, del që titulli i këtij artikulli nuk është i saktë, pasi mjetet shpërthyese janë gjetur në fshatin Preoc, i cili është në afërsi të fshatit Lapna Sellë, që do të thotë se është rreth 5 kilometra larg nga Veterniku, siç pretendohet në artikuj.
Autorët e këtij artikulli nga disa portale, duket se të njëjtin e kanë shpërnda bruto, pas që ai është gjete te disa prej tyre.
Vegëzat e artikullit të publikuar në disa portale në gjuhën shqipe:
https://gazetainfokus.com/gjenden-mjete-shperthyese-afer-veternikut/
Ky rast është konfirmuar edhe nga zëdhënësja e Policisë për Rajonin e Prishtinës, Flora Ahmeti.
“Rreth orës 08:40 është pranuar informata se në një vend punishte në fshatin Preoc, janë gjetur disa mjete të dyshimta që dyshohet të jenë mjete shpërthyese. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual”.
“Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese, të cilët aktualisht po vazhdojnë punën deri në pastrimin e plotë të perimetrit të siguruar nga ana e policisë”, tha Ahmeti.
Nga kërkimi në “Google Maps”, shihet se fshati Preoc (vendi i ngjarjes) është rreth 5 kilometra larg lagjes Veternik, fare pranë fshatit Lapna Sellë në Magjistralen Prishtinë – Ferizaj, që administrativisht gjendet në kuadër të Komunës së Graçanicës.
Linku në “Google Maps”:
Analiza:
Portalet e kontrolluara, në këtë artikull të publikuar kanë vënë titull të gabuar, por pa qëllim të dezinformimit të lexuesve.
Në titull pretendohet se ngjarja ka ndodhur afër Veternikut, por brenda në tekst tregon se mjetet shpërthyese janë gjetur në fshatin Preoc, i cili është rreth 5 km larg lagjes Veternik të Prishtinës, dhe administrativisht gjendet në kuadër të Komunës së Graçanicës.
Pas analizës së kontrollit të fakteve të kryer nga hibrid.info, ky artikull merr vlerësimin si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
