Mediumi online në gjuhën serbe “Kosovo-online” ka publikuar dje (9 nëntor) një artikull me pretendimin dhe 10 pjesëtarë të FSK nga komuniteti serb u larguan ne Forca e Sigurisë së Kosovës (FSK).
Në përmbajte të artikullit bëhet e ditur se dorëheqjet i kanë dorëzuar të martën dhe se procedurat e mëtutjeshme janë në vazhdim.
Përmes një postimi në llogarinë e tij në Facebook, Ministri i Mbrojtjes i Republikës së Kosovës, Armend Mehaj, e ka përgënjeshtruar një pretendim të tillë.
Vegëza e artikullit të publikuar në “Kosovo-online”:
Pjesë të artikullit të publikuar në “Kosovo-online”:
Siç kanë thënë për Kosovo Online, ky është një akt moral dhe një shenjë e mbështetjes për serbët në Kosovë.
Marko Rakiq thotë se nuk ka hezituar kur ka dëgjuar se serbët në veri po largohen nga institucionet e Kosovës.
Ata na konfirmuan se dorëheqjet i kanë dorëzuar dje dhe se procedurat e mëtutjeshme janë në vazhdim dhe se presin përfundimin e atyre procedurave administrative.
Artikulli i “Kosovo-online” me pretendimin e lartcekur ka zënë vend në disa media serbe. (këtu, këtu, këtu)
Pretendimi i mediumit në gjuhën serbe për largimin e 10 pjesëtarëve të komunitetit serb nga FSK-ja është përgënjeshtruar nga Ministri i Mbrojtjes, Armend Mehaj.
Mehaj përmes një reagimi në Facebook, ka thënë se kjo është “dezinformatë”, dhe se ka pasur tri kërkesa për demobilizim që janë pranuar më herët.
“Nuk është e vërtetë që kanë dorëzuar dorëheqjet e tyre 10 pjesëtarë serb të Forcës së Sigurisë së Kosovës, janë tre kërkesa për demobilizim që kemi pranuar prej kohësh dhe për të cilat janë duke u ndjekur të gjitha procedurat e rregullta”. (këtu)
Për më tepër, Mehaj ka thënë se deklarata të tilla janë tendencë e Beogradit për të nxitur largimin e pjesëtarëve serb nga institucionet e Kosovës, madje edhe duke i kërcënuar.
“Prandaj, deklarimet e tilla publike i shohim më tepër si tendencë e Beogradit zyrtar për të nxitur largimin e pjesëtarëve serb nga institucionet e Republikës së Kosovës, madje, edhe përmes kërcënimeve direkte. Përpjekjet e Serbisë për të frikësuar pjesëtarët serb të FSK-ës janë të papranueshme, shkelin normat e civilizimit dhe vlerat demokratike evropiane”. (këtu)
Analiza:
Mediumi online në gjuhën serbe “Kosovo-online” ka publikuar një artikull me pretendimin se 10 pjesëtarë të FSK nga komuniteti serb u larguan ne Forca e Sigurisë së Kosovës (FSK).
Ministri i Mbrojtjes i Republikës së Kosovës, Armend Mehaj, e ka përgënjeshtruar një pretendim të tillë.
Hibrid.info, në bazë të metodologjisë së punë, vlerëson se kjo përmbajtje është “e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
