Portali “Albanianpost.com” ka publikuar një artikull me pretendimin se sipas burimeve brenda Komitetit Ndërkombëtar të Kryqit të Kuq, merr vesh se tashmë është arritur akordim që eshtrat e intelektualit dhe ish-profesorit të marrëdhënieve ndërkombëtare dhe filozofisë në Universitetin e Prishtinës, të kthehen në Kosovë.
Por, këtë pretendim të këtij mediumi e ka hedhur poshtë vetë djali i Ukshin Hotit, Andini, i cili është edhe Kryetari i Delegacionit të Kosovës për Bisedime për të Pagjeturit.
Ai në profilin e tij zyrtar në Facebook, postoi fotografinë e artikullit të “albanianpost.com”, duke i vënë përshkrimin si “LAJM I RREJSHËM / FAKE NEWS”.
Vegëza e artikullit të publikuar në “albanianpost.com”:
https://albanianpost.com/ekskluzive-ukshin-hoti-kthehet-ne-kosove/
Më poshtë mund të gjeni postimin e Andin Hotit në Facebook, i cili demantoi lajmin për kthimin e eshtrave të babait të tij, duke e quajtur këtë artikull si lajm i rremë.
https://www.facebook.com/Andin.U.Hoti/posts/4278681728851677
Andin Hoti foli edhe për gazetën online “sinjali.com”, ku potencoi se eshtrat të cilat do të kthehen në Kosovë nuk kanë lidhje me babain e tij, por ato u përkasin viktimave të Masakrës së Rezallës.
“Është ndonjë keqinformim, a ndonjë informim i qëllimshëm i gabum. Nuk ka lidhje kurrgjo me eshtra të babait tem. Janë t’u u kthy eshtrat e Masakrës së Rezallës që janë gjetur në varrezat masive të Kishevakut, por kanë me u kthy të enjten, jo sot. Nuk e di pse ka dalë ky lajm kështu. Nuk ka të bëjë kurrgjo me babin tem”, tha ai për Sinjali.com.
Vegëza e artikullit të publikuar në Sinjali.com:
Pretendimin e mediumit online “Albanianpost.com” e ka demantuar edhe Kryqi i Kuq i Kosovës, duke thënë se nuk e kanë këtë informatë, si dhe nuk ka informatë për vendndodhjen e Ukshin Hotit.
“Jo ne nuk e kemi këtë informatë. Kryqi i Kuq i Kosovës nuk ka asnjë informatë mbi vendndodhjen e Ukshin Hotit dhe as njoftim se trupi i tij do të kthehet në Kosovë” , deklaruan nga Kryqi i Kuq për insajderi.
Vegëza e artikullit të publikuar në “Insajderi.org”:
Analiza:
Portali “Albanianpost.com” këtë pretendim për kthimin e eshtrave të Ukshin Hotit e bazon në disa burime të tij, por të cilat duket se nuk janë të verifikurara.
Pasi një gjë e tillë hedhet poshtë nga djali i Ukshin Hotit, Andini, si dhe Kryqi i Kuq i Kosovës.
Nga analiza e kontrollit të fakteve e kryer nga hibrid.info, artikulli i “albanianpost.com” merr vlerësimin si “përmbajtje e paverifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
