Disa media online në Kosovë kanë publikuar një artikull me pretendim në titull se Bill Gates parasheh se kur do të përfundojë pandemia e Korona Virusit.
Nga verifikimi i fakteve të kryer nga hibrid.info, konstatohet se titulli nuk i përgjigjet përmbajtjes, pasi Gates në bllogun e tij nuk ka bërë ndonjë parashikim, por ka qenë vetëm një mendim i tij.
“Do të ishte marrëzi që të bëhet edhe një parashikim, por mendoj se fazës akute të pandemisë do t’i vije fundi diku nga viti 2022”, shkroi miliarderi amerikan në bllogun e tij “GatesNotes.com”.
Vegëza e artikujve të publikuar në portalet si “telegrafi.com”, “ekonomiaonline.com” dhe “botasot.info”:
Më poshtë mund të gjeni artikullin e publikuar nga Bill Gates në bllogun e tij “GatesNotes.com”:
https://www.gatesnotes.com/About-Bill-Gates/Year-in-Review-2021
Analiza:
Pas verifikimit nga hibrid.info, del se titulli i artikullit të publikuar në këto portale kosovare është i shkruar gabim, por duket se pa qëllimin e qartë të dezinformimit të publikut.
Megjithatë, fakti që Gates nuk ka bërë ndonjë parashikim siç pretendohet në këtë titull, mund të dezinformojë lexuesit e këtyre portaleve. Hibrid.info i vlerëson këta artikuj si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.