Faqja në Facebook “Gazeta Aktive”, ka shpërndarë artikullin e dyshimtë “gjithckafresh.info” me titull “Kjo nuk pritej, përplasen keq Vjosa Osmani e Albin Kurti”.
Ky shkrim i këtij portali të dyshimtë përmban titull dhe përmbajtje të sajuar. Një lajm i tillë që pretendohet në artikullin përkatës, del të jetë i sajuar, bazuar në kontrollin e fakteve të realizuar nga hibrid.info. Rrjedhimishtnuk është gjetur asnjë lajm, deklaratë, njoftim apo qëndrim zyrtar që tregon për përplasjen e kryetarit të Vetëvendosjes, Albin Kurtit dhe ushtrueses së detyrës së Presidentes, Vjosa Osmanit, ashtu siç pretendohet në këtë artikull të “gjithckafresh.info”.
Teksti i artikullit të publikuar nga “gjithckafresh.info”:
Kjo nuk pritej, për’plasën keq Vjosa Osmani e Albin Kurti (FOTO)
Ushtruesja e detyrës se presidentit te Kosoves Vjosa Osmani, si duket është duke kaluar ne disa momente te rëndësishme te karrierës politike, ajo ishte e nominuar për kryeministre nga Lidhja Demokratike e Kosovës, parti kjo qe me pas e largoje nga kryesia e saj.
Vjosa Osmani dhe Albin Kurti, raportohet se kan mar’rëdhënie te shkëlqyeshme por kjo miqësi si duket ka filluar te këtë kri’za, pasi qe Vjosa Osmani nuk dëshiron te garoj ne kuadër te VV-se.
Ajo dëshiron qe te krijoj një parti te re, dhe te bej koalicion parazgjedhor me VV, por për këtë nuk është i mendimit Albin Kurti.
Vegëza e artikullit të publikuar nga “gjithckafresh.info”:
Analiza:
Artikulli i publikuar nga “gjithckafresh.info”përmban titull dhe përmbajtje të rreme. Pas verifikimit dhe hulumtimit përmes makinave të kërkimit, hibrid.info nuk ka gjetur asnjë shkrim lidhur me ‘përplasjes’ mes Osmanit dhe Kurtit. Ky artikull kategorizohet si ‘lajm i rremë’, ‘dezinformatë’ dhe clickbait’.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
