Portali i dyshimtë me përmbajtje në gjuhën shqipe “Pronews20.com” sot (9 shtator) ka publikuar një artikull me titull “Bie çmimi i naftës në Kosovë – kaq kushton 1L”.
Pas verifikimit të fakteve, hibrid.info ka vërtetuar se ky artikull është i datës 8 shtator. Në fakt, njoftimi për lirimin e naftës është bërë më 7 shtator nga Ministria e Industrisë, Ndërmarrësisë dhe Tregtisë (MINT), pra është 2 ditë i vjetër. Ndërsa, disa media e kanë publikuar atë më 8 shtator, një ditë më pas.
Mirëpo, ky portal i dyshimtë, të njëjtin artikull e ka publikuar dy ditë me vonesë (9 shtator) duke bërë të duket si një zhvillim aktual me pretendimin se bie çmimi i naftës në Kosovë.
Nga hulumtimi i kryer nga hibrid.info, është vërtetuar se dje (8 shtator) dhe sot (9 shtator) çmimi i derivateve ka mbetur i njëjtë.
Vegëza e artikullit të publikuar në portalin e dyshimtë “Pronews20.com”:
Ky artikull është publikuar sot (9 shtator) edhe në Facebook nga faqja “Post Lajme”, e cila numëron mbi 16 mijë ndjekës. (shih këtu)
Pas hulumtimit të kryer përmes makinave online të kërkimit, hibrid.info ka arritur të gjejë këtë artikull të publikuar më 8 shtator nga portali “GazetaBlic.com”. (shih këtu)
Për ta qartësuar edhe më shumë faktin se sot (9 shtator) nuk ka zbritje të çmimit të naftës, hibrid.info sjell njoftimin e MINT të datës 8 shtator dhe 9 shtator, ku shihet se çmimet e naftës, benzinit dhe gazit kanë mbetur të njëjta. (shih këtu dhe këtu)
Analiza:
Portali i dyshimtë “Pronews20.com” ka publikuar sot (9 shtator) një artikull të datës 8 shtator që flet për lirimin e naftës për 1 cent krahasim me një ditë më herët (7 shtator).
Mirëpo, pas verifikimit të fakteve, hibrid.info ka gjetur se ky artikull është i vjetër dhe në njoftimin e Ministrisë së Industrisë, Ndërmarrësisë dhe Tregtisë të publikuar më 9 shtator shihet se çmimet nuk kanë ndryshuar me ato të datës 8 shtator.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.