Portali i dyshimtë me përmbajtje në gjuhën shqipe “banglarreporter.com” ka publikuar artikullin me titull “Joe Biden merr vendim, i fut në listë të zezë këta politikanë nga Kosova”.
Hibrid.info pas kontrollit të fakteve ka konstuatuar se titulli i këtij artikulli është i rremë dhe nuk i përgjigjet përmbajtjes.
Lajmi është i vjetër, i cili është publikuar në qershor të këtij viti. Pas hulumtimit kryer nga hibrid.info, është gjetur artikulli autentik i publikuar nga “gazetaexpress.com”, në të cilin thuhet se “Shtëpia e Bardhë përmes një komunikate ka thënë se do t’i fusë në listën e zezë të gjithë zyrtarët e Ballkanit që nuk i respektojnë marrëveshjet e cekura”.
Pra, nuk është e vërtetë se presidenti i SHBA-së, Joe Biden ka marrë ndonjë vendim për futjen në listë të zezë të disa politikanëve nga Kosova, siç pretendohet rrejshëm në titullin e artikullit të publikuar nga “banglarreporter.com”.
Vegëza e artikullit të publikuar nga “banglarreporter.com”:
Ky artikull është shpërndarë edhe në Facebok nga faqja “Gazet Aktive”, postimin e së cilës mund ta gjeni këtu.
Më poshtë mund të gjeni artikullin autentik të publikuar në portalin “gazetaexpress.com” me datë 8 qershor 2021.
Analiza:
Portali i dyshimtë “banglarreporter.com” ka publikuar artikull të vjetër të muajit qershor të këtij viti, atëkohë kur Shtëpia e Bardhë përmes një komunikate kishte thënë se do t’i fusë në listën e zezë të gjithë zyrtarët e Ballkanit që nuk i respektojnë marrëveshjet ndërkombëtare.
Por ky portal i dyshimtë, këtij artikulli të vjetër i ka vendosur titull të rremë se gjoja presidenti amerikan Joe Biden, ka marrë vendim që t’i fusë në listë të zezë disa politikanë nga Kosova.
Bazuar në metodologjinë e punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
