Mediumi në gjuhën serbe “Kurir” ka publikuar sot (18 janar) artikull me pretendimin se, siç shkruan “lobistët shqiptarë”, kanë vendosur flamurin e Kosovës dhe atë të “Shqipërisë së Madhe” (Shqipërisë Etnike), të njohur edhe si “Autochthonus”.
Imazhi i paraqitur në këtë fotografi tregon për vendosjen e këtyre dy flamujve në një objekt që rezulton të jetë një hotel në qytetin Davos. Ndërsa, autori i artikullit pretendon se ky hotel është përballë hotelit ku po qëndron presidenti i Serbisë, Aleksanar Vuçiq, në kohën kur po mbahet Forumi Ekonomik Botëror në Davos.
Mediat këto pretendime i mbështesin në citimin e ekspertëve serbë që “janë të bindur”, ndonëse pa paraqitur ndonjë fakt se “këtë vepër shqiptarët e kanë përgatitur moti” dhe se, sipas tyre, “lobi shqiptar “atje (në Zvicër) ndihet si në shtëpi të veten”.
Përkundër faktit që pretendohet se flamujt e lartcekur janë vendosur nga lobistët shqiptarë nuk ofrohet ndonjë fakt konkret që do ta mbështeste këtë pretendim.
Vegëza e artikullit të publikuar në Kurir:
Pjesë të artikullit të publikuar në Kurir:
Lobistët shqiptarë nuk ndalen me provokimet skandaloze dhe të rrezikshme në kurriz të Serbisë, dhe tani kanë shkuar një hap më tej dhe kanë përgatitur një pritje shumë armiqësore për presidentin e Serbisë, Aleksandar Vuçiq, në Davos! Gjegjësisht, në objektin përballë hotelit ku ka qëndruar presidenti serb në resortin e famshëm dimëror zviceran, ku nesër do të flasë në Forumin Ekonomik Botëror, flamuri i të ashtuquajturit shteti i Kosovës dhe flamuri me hartën e “Shqipërisë së madhe”!
Ky artikull ka zënë vend na ballinën e datës 18 janar (sot) të gazetës Kurir. (këtu)
Pretendimi se flamuri i Kosovës dhe ai me hartën e Shqipërisë së Madhe dhe figurat e Ismail Qemali dhe Isa Boletinit, është vendosur nga lobistë shqiptarë për një pritje armiqësore për presidentin e Serbisë, Aleksandër Vuçiq, është pretendim i pa bazuar në fakte. Nga ajo që mund të shihet në këtë fotografi, mund të thuhet se faktet që qëndrojnë janë se ky hotel në të vërtetë është në Davos të Zvicrës (këtu).
Edhe nga ajo që shihet në këtë fotografi, në bazë të analizës së bërë përmes aplikacioneve për autenticitetin e imazheve, mund të thuhet se përmbajtja është origjinale, pra nuk ka ndërhyrje në të. Gjithashtu, sërish në bazë të aplikacione për verifikimin e përmbajtjeve vizuale, është parë që kjo fotografi nuk është e vjetër. Kjo fotografi, në bazë të kontrollit të bërë, rezulton të jetë publikuar fillimisht nga agjencia serbe “Tanjug” (këtu).
Pra mund të thuhet se ajo është bërë gjatë këtij edicioni të Forumit në Davos.
Megjithatë, nuk dihet nëse presidenti serb Vuçiq është vendosur në hotelin përballë objektit (hotelit) ku janë vendosur këta flamuj, pasi që autori nuk e fakton këtë pretendim.
Fakte nuk ofrohen as edhe për pretendimin se flamujt e vendosur në hotelin “The Rustico Hotel”, janë veprim i “lobistëve shqiptarë”.
Për më tepër, në media është raportuar se tashmë janë hequr flamujt. (këtu)
Analiza:
Mediumi në gjuhën serbe “Kurir” ka publikuar artikull me pretendimin se në një hotel në Davos të Zvicrës “lobistët shqiptarë” janë vendosur flamurin e shtetit të Kosovës dhe flamurin me hartën e “Shqipërisë së madhe” përballë hotelit ku po qëndron presidenti i Serbisë, Aleksandër Vuçiq, i cili është pjesëmarrës i Forumit Ekonomik Botëror në Davos.
Pretendimi se flamujt nga lobistë shqiptarë për një pritje armiqësore për presidentin e Serbisë, Aleksandër Vuçiq, është pretendim tendencioz dhe i pa bazuar në fakte konkrete.
Nga ky zhvillim ekziston vetëm fotografia ku shihen flamujt e lartcekur të varur në murin e hotelit “Rustico Hotel” në Davos të Zvicrës. Nuk dihet se kush i ka vendosur dhe me çfarë qëllimi.
Bazuar në metodologjinë e punës, hibrid.info këtë pretendim e vlerëson si “përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
