Artikulli me titull “100 euro për çdo penzioner dhe prezenton Pakon e Ringjalljes Ekonomike”, është publikuar nga portali i dyshimtë me përmbajtje në gjuhën shqipe “cmd.trendliveg24.com”.
Pas verifikimit të fakteve nga hibrid.info, është vërtetuar se ky artikull përmban titull të sajuar, i cili nuk i përgjigjet përmbajtjes.
Në përmbajtje gjendet lajm i vjetër i muajit tetor të vitit 2021, atëkohë kur ministri Financave dhe Transfereve, Hekuran Murati, kishte prezantuar pakon e ringjalljes për prodhuesit vendorë.
Pra, lajmi është i vjetër dhe nuk ka të bëjë asgjë me pensionistët, siç pretendohet rrejshëm në titull.
Vegëza e artikullit të publikuar në portalin e dyshimtë “cmd.trendliveg24.com”:
I njëjti artikull është shpërndarë në Facebook nga faqja “33shi.com”, e cila numëron afër 50 mijë ndjekës. (shih këtu)
Pas hulumtimit të kryer nga hibrid.info, është gjetur artikulli autentik i publikuar në kohë reale (28 tetor 2021) nga portali “FrontOnline.net”. (shih këtu)
Analiza:
Portali i dyshimtë “cmd.trendliveg24.com” ka publikuar një artikull të vjetër (tetor 2021), i cili ka të bëjë me pakon e ringjalljes për prodhuesit vendorë, e cila ishte prezantuar nga ministri i Financave dhe Transfereve, Hekuran Murati.
Por, këtë artikull të vjetër, ky portal i dyshimtë është munduar ta paraqesë si aktual, duke i vënë titull të e rremë “100 euro për çdo penzioner dhe prezenton Pakon e Ringjalljes Ekonomike”.
Bazuar në metodologjinë e punës, hibrid.info e ka vlerësuar këtë artikull si “Clickbait”.
Arsyetimi:
“Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
