Portali “GazetaMetro.net”, ka publikuar artikullin me titull “Momenti nga sulmi armen në qytetin më të madh të Azerbajxhanit: Pika delikate për fillimin e luftës”.

Me të lexuar titullin, krijohet përshtypja që flitet për sulm në kryeqytetin azer, Baku, meqenëse ai është njëkohësisht edhe qyteti ma i madh në këtë shtet. Ndërsa në përmbajtje ka përshkrim korrekt të deklaratave të zyrtarëve të lartë të Azerbajxhanit, të cilët ngritin shqetësimin për sulm armen në qytetin e dytë më të madh në këtë shtet, në Ganja. Pra, titulli i këtij artikulli të del të jetë i gabuar, por jo edhe përmbajtja.

Një pjesë e tekstit origjinal të publikuar në GazetaMetro.net:

Hikmet Hajiyev, një ndihmës i presidentit të Azerbajxhanit, shkroi në Twitter një video të dielën duke treguar ndërtesa të dëmtuara, duke thënë se kjo ishte rezultat i “sulmeve masive me raketa të Armenisë kundër zonave të banuara të dendura” në Ganja, qyteti i dytë më i madh i Azerbajxhanit i cili nuk është në Karabak, transmeton Gazeta Metro.

Vegëza e artikullit të botuar në GazetaMetro.net:

Momenti nga sulmi armen në qytetin më të madh të Azerbajxhanit: Pika delikate për fillimin e luftës

---

Ndihmës Presidenti i Azerbajxhanit, Hikmet Hajiyev, tha se Armenia shënjestroi qytetet e mëdha si Ganja dhe Mingachevir me sulme raketore. Ganja, shtëpia e disa qindra mijë banorëve dhe qyteti i dytë më i madh i vendit, ndodhet afërsisht 100 kilometra (rreth 60 milje) larg Stepanakert, kryeqyteti i rajonit të Nagorno-Karabakut.

Vegëza e deklaratës së Hajiyev e publikuar në anglisht nga WashingtonPost:

https://www.washingtonpost.com/world/national-security/azerbaijans-no-2-city-targeted-in-fighting-with-armenia/2020/10/04/6df7435e-0642-11eb-8719-0df159d14794_story.html

Vegëza me qytetet më të mëdha në Azerbajxhan:

https://www.geonames.org/AZ/largest-cities-in-azerbaijan.html?fbclid=IwAR29w1gf-kjhv4olX8tP6WSLc8WTZ8GGDKCRQlT2aTi62G-E8WKi5cJ7siE

---

Analiza:

Pas verifikimit nga hibrid.info, del se titulli i artikullit në GazetaMetro.net është i shkruar gabim, por pa qëllimin e qartë të dezinformimit të publikut. Megjithatë, fakti që ky artikull flet për qytet tjetër, mund të dezinformojë lexuesit e këtij portali. Ky artikull kategorizohet si “Gabim”.

---

Arsyetimi:

Gabim – Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.

Share With Others