Një llogari në Facebook ka publikuar një video-material dje (6 nëntor), ku shihen pamje të disa raketave.
Nëpërmjet këtij video-materiali pretendohet se imazhet e sulmeve me raketa nga Iron Dome dhe Brigadave Izzudin Kasam janë aktuale.
Pas verifikimit të fakteve, është gjetur se video nuk është nga konflikti i fundit Izrael-Hamas, por i njëjti është realizuar në vitin 2021.
Vegëza e video-materialit të publikuar në Facebook nga llogaria “Al Khattab”:
https://www.facebook.com/alkhattab11/videos/1040402263755422
Pas hulumtimit të kryer përmes makinave online të kërkimit është gjetur se video-materiali paraqet pamje të tensioneve mes Hamasit dhe Izraelit në vitin 2021, ku profili i Ministrisë së Punëve të Jashtme të Izraelit, kishte publikuar të njëjtat pamje në maj, të vitit 2021 duke treguar se ato janë nga sulmet me raketa nga Hamasi. (shih këtu)
Analiza:
Nëpërmjet një video-materiali të publikuar në Facebook pretendohet se pamjet paraqesin sulme me raketa nga konflikti aktual Izrael-Hamas.
Pas verifikimit të fakteve, është gjetur se video-materiali është një mashtrim me pretendimin që këto imazhe janë aktuale. Video-materiali është i vitit 2021 dhe i përket konflikteve të atij viti mes Hamasit dhe Izraelit.
Bazuar metodologjinë e punës, hibrid.info këtë pretendim e vlerëson si “dezinformatë”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
