Portali “Bota-sot.info” ka publikuar një artikull me titull “LDK-ja pjesë e Qeverisë Kurti 2, me dy ministri dhe postin e presidentit?”.
Ky portal në këtë artikull i është referuar një statusti në Facebook, të publikuar nga analisti i politikës dhe aktori kosovar, Jeton Zogjani, i cili ka pretenduar pa fakte se LDK-ja e mbështet Osmanin dhe se “deputetët e Listës “Guxo” do të kthen në LDK, kurse kjo parti do t’i ketë dy ministri në ekzekutiv, si dhe postin e presidentit”.
Teksti i artikullit të publikuar në “bota-sot.info”:
LDK-ja pjesë e Qeverisë Kurti 2, me dy ministri dhe postin e presidentit?
Kryetari i Lidhjes Demokratike të Kosovës, Lumir Abdixhiku do të takohet sot me kandidaten për presidente të Kosovës, Vjosa Osmani. Kryetari i Lidhjes Demokratike të Kosovës, Lumir Abdixhiku do të takohet sot me kandidaten për presidente të Kosovës, Vjosa Osmani. Takimi do të ndodhë në orën 14:00, shkruan “Bota sot”. Në lidhje se a do t’i bëjë kuorumin LDK-ja, Vjosa Osmanit, një koment e ka bërë edhe aktori Jeton Zogjani. Ai në profilin e tij në Facebook, ka shkruar se nëse LDK-ja e mbështet Osmanin, deputetët e Listës “Guxo” do të kthen në LDK, kurse kjo parti do t’i ketë dy ministri në ekzekutiv, si dhe postin e presidentit. Ja shkrimi i tij në Facebook:
•Në qoftse LDK-ja e mbështet znj/Vjosa Osmani për t’u bë presidente!
•Deputetët e listës Guxo do të kthen në grupin parlamentar të LDK-së!
•D.m.th LDK-ja bëhet pjesë e Qeverisë Kurti 2, me 2 Ministri dhe me President!
Vegëza e artikullit të publikuar në portalin “bota-sot.info”:
Vegëza e statusit të Jeton Zogjanit në profilin e tij në Facebook:
https://www.facebook.com/jeton.zogiani
Analiza:
Portali “bota-sot.info” në këtë artikull ka përdorur një titull tendencioz se LDK mund të jetë pjesë e Qeverisë Kurti 2.
Pretendimi i bërë në titull bazohet vetëm në një postim të Jeton Zogjanit, i cili pa fakte ka aluduar se “nëse LDK-ja e mbështet Vjosa Osmanin për presidente, atëherë deputetet e listes Guxo do të kthehen në grupin parlamentar të LDK-së dhe kjo e fundit do të bëhet pjesë e Qeverisë Kurti 2, me 2 Ministri dhe me President”.
Pas analizës së kontrollit të fakteve, hibrid.info e ka vlerësuar këtë artikull si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.