Mediumi online “Demokracia.com” ka publikuar një artikull rreth ndeshjes që Kombëtarja e Kosovës në futboll do ta zhvillojë me Qipron në kuadër të Ligës së Kombeve.
Në këtë artikull, ky medium online ka treguar se kompanitë e basteve e favorizojnë skuadrën e Kosovës, mirëpo autori ka gabuar ditën e ndeshjes, duke pretenduar se ajo do të zhvillohet ditën e mërkurë.
Pas verifikimit të kryer nga hibrid.info, është vërtetuar se ndeshja do të zhvillohet të enjten me datë 2 qershor.
Pjesë nga artikulli i publikuar në portalin “Demokracia.com”:
Kosova të mërkurën zhvillon ndeshjen e parë në Ligën e Kombeve ku ndeshet me Qirpon, shkruan Demokracia.com.
Kosova luan në Ligën C në të cilën pres të këtë rezultate të mira dhe në këtë mënyrë të arrijnë në Ligën B çka do të ishte një arritje e jashtëzakonshme.
Dardanët të mërkurën nga ora 18:00 do të zbresin në fushë qipriote aty ku edhe cilësohen favoritë për ta fituar ndeshjet.
Vegëza e artikullit të publikuar në portalin “Demokracia.com”:
Më poshtë mund të gjeni fotografinë e marrë nga aplikacioni sportiv “Sofa Score”, e që shihet qartë se ndeshja do të zhvillohet të enjten me datë 2 qershor.
Analiza:
Autori i këtij artikulli ka gabuar në lidhje me ditën e zhvillimit të ndeshjes ndërmjet Kosovës dhe Qipros, duke pretenduar se ajo pritet të luhet ditën e mërkurë.
Por, pas verifikimit të fakteve, është vërtetuar se ndeshja do të zhvillohet ditën e enjte me datë 2 qershor.
Bazuar në metodologjinë e hibrid.info, ky artikull, si rezultat i titullit, merr vlerësimin “Gabim”.
Analiza:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
