Portali i dyshimtë “xnews7.com” ka publikuar një artikull me pretendimin se një grua e moshës 43 vjeçare, nga kryeqyteti zviceran Bern, e quajtur Merita, është në kërkim të një lidhjeje dashurie.
Gjatë verifikimit të kryer nga hibrid.info, është vërejtur se në postimin e këtij portali, pretendohet se gruaja në fjalë është shqiptare.
Hibrid.info ka verifikuar fotografinë dhe ka vërtetuar se fotografia nuk i përket ndonjë gruaje shqiptare, por në fakt është fotografi e një shtetase të huaj.
Vegëza e artikullit të publikuar në portalin e dyshimtë “xnews7.com”:
I njëjti postim është shpërndarë edhe në Facebook nga faqet “Gazeta Globale”, “Shqiptaria Ka Emër” dhe “Gazeta Rich Shqip” (shih këtu, këtu dhe këtu).
Pas hulumtimit të kryer përmes programit te automatizuar online “InVID” për kontroll faktesh, hibrid.info ka vërtetuar se fotografia nuk është e ndonjë gruaje shqiptare, por është imazh i marrë nga një blogere e huaj me emrin Carty.
Kjo është vërtetuar pas gjetjes së llogarisë së saj personale në rrjetin social Instagram, e cila numëron mbi 820 mijë ndjekës (shih këtu).
Analiza:
Portali i dyshimtë “xnews7.com” publikon postim dhe fotografi të një gruaje të huaj, të cilën e paraqet si shqiptare.
Me anë të këtij postimi dhe fotografisë të një gruaje tjetër të huaj, ky portal e paraqet atë si shqiptare, duke mashtruar se ajo është në kërkim të një lidhjeje dashurie.
Pas hulumtimit të kryer nga hibrid.info, ky postim i ndarë edhe në Facebook, është vlerësuar si “Mashtrim”.
