Disa media në gjuhën serbe kanë publikuar sot (28 nëntor) artikuj në lidhje me mbishkrimin UÇK në rrugën për në Qendrën e Skijimit në Brezovicë, gjë që ka shkaktuar shqetësim të madh te banorët e Shtërpcës.
Artikulli është i bazuar në një reagim të Zyrës për Kosovën në Qeverinë e Serbisë, e cila rastin e interpreton si një provokim dhe presion tjetër, por edhe frikësim ndaj të cilit janë të ekspozuar pothuajse çdo ditë banorët e zonës.
Artikujt janë të ilustruar me fotografi nga, siç pretendohet, vendi i ngjarjes. Këto fotografi janë në një kuadër të ngushtë nëpërmjet së cilës nuk mund të identifikohet vendndodhja.
Edhe pse nuk dihet se kush është kryesi i veprës, ky institucion serb pretendon pa fakte se ky veprim po bëhet me qëllim të largimit të serbëve nga vendbanimet e tyre.
Vegëza e artikujve të publikuar në mediat në gjuhën serbe:
Vegëza e deklaratës së Zyrës për Kosovën:
Pjesë të artikullit të publikuar në mediat serbe:
Zyra për Kosovë dhe Metohi ka bërë të ditur se në rrugën për në Qendrën e Skijimit në Brezovicë janë shkruar mbishkrime që glorifikojnë organizatën e UÇK-së, gjë që ka shkaktuar shqetësim të madh te banorët e Shtërpcës. Zyra ka thënë se presin që përfaqësuesit ndërkombëtarë të marrin një vendim të qartë lidhur me shkrimin e grafiteve të UÇK-së në zonat serbe.
“Jeta e serbëve në Shtërpcë, të cilët vitin e fundit janë të ekspozuar pothuajse çdo ditë ndaj persekutimeve, bastisjeve të Rosu-s, proceseve politike dhe persekutimeve, është bërë shumë më e vështirë dhe tani edhe ata janë të shqetësuar në këtë mënyrë me qëllimin e qartë, të largimit nga pragu i tyre, por janë të vendosur të qëndrojnë dhe të mbijetojnë në vatrat e tyre shekullore”, thekson Zyra për Kosovë dhe Metohi.
Për rastin të cilën e pretendon Zyra për Kosovën, nuk ofron fakte konkrete se ngjarja ka ndodhur në lokacionin e përmendur. Fotografitë që ofrohen si dëshmi të ngjarjes nuk ofrojnë pamje nëpërmjet së cilës mund të identifikohet vendi se ku ka ndodhur ngjarja.
Për më tepër, zyra nuk ofron të dhëna faktike për kryesit e veprës edhe pse pretendon pa bazë se kjo po bëhet më qëllim të dëbimit të serbëve nga vendbanimet e tyre.
Pra, duke u bazuar vetëm në këto fotografi, kjo zyre ka krijuar një teori të pa bazuar në asnjë fakt se shqiptarët po rrezikojnë sigurinë dhe po i frikësojnë serbët me qëllim të dëbimit të tyre nga Kosova
Analiza:
Mediumet në gjuhën serbe kanë publikuar deklaratën e Zyrës për Kosovën në Qeverinë e Serbisë, në lidhje me mbishkrimin UÇK në rrugën për në Qendrën e Skijimit në Brezovicë.
Artikulli është i bazuar në një reagim të Zyrës për Kosovën në Qeverinë e Serbisë nuk ofron fakte konkrete për vendndodhjen dhe kryesit e veprës dhe pretendon se ky veprim po bëhet me qëllim të largimit të serbëve nga vendbanimet e tyre.
Në bazë të metodologjisë së punë, hibrid.info, vlerëson se ky artikull nuk ofron fakte konkrete për pretendimet e ofruara dhe klasifikohet si “përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
