Disa media në gjuhën serbe kanë publikuar dje (13 mars) një artikull lidhur me reagimin e “Listës Serbe” për aktakuzën e Prokurorisë Themelore për dy vepra penale, “shkaktimi i rreziku të përgjithshëm dhe përdorimi i armës”, që lidhen me rastin e Azem Kurtajt.
Në artikuj paraqitet reagimi i këtij subjekti politik, përmes së cilit synohet të bëhet pa fakte ndërlidhja e aktakuzës ndaj Kurtajt me, siç pretendohet, “një veprim të dhunës sistematike të Prishtinës zyrtare që qëllim ka dëbimin e serbëve”.
Ky reagim i Listës Serbë është bërë pas deklarimit të Prokurorisë Themelore në Ferizaj për të cilësuar veprimin e pjesëtarit të FSK (Forcës së Sigurisë së Kosovës), Azem Kurtaj, në Shtërpce, si “shkaktim i rrezikut të përgjithshëm dhe përdorim i armës apo mjetit të rrezikshëm”.
Vegëza e artikujve të publikuar në disa media në gjuhën serbe:
https://www.kurir.rs/vesti/srbi-na-kim/4124336/srpska-lista-o-odluci-tuzioca-u-urosevcu
https://www.dnevnik.rs/politika/slnapad-na-srpsku-decu-za-pristinu-nije-pokusaj-ubistva-13-03-2023
Pjesë të artikujve të publikuar në disa media në gjuhën serbe:
VENDIMI i prokurorit shqiptar nga Ferizaji për të cilësuar aktin e një anëtari shqiptar të FSK-së, i cili tentoi të vriste fëmijët serbë në ditën e Krishtlindjes në Gotovushë dhe me atë rast u shkaktoi lëndime të rënda fizike me armë zjarri, si shkaktim i rrezikut të përgjithshëm është shembull i dhunës sistematike dhe të planifikuar institucionale të regjimit antiserb të Albin Kurtit me qëllim të frikësimit dhe dëbimit të serbëve nga shtëpitë e tyre, njoftoi sot Srpska lista dhe shtoi se përkundër provave të panumërta materiale, deklaratat e fëmijëve të lënduar dhe dëshmitarëve të këtij akti të neveritshme, sulm i paprovokuar ndaj fëmijëve serbë, në vend që ta cilësonte këtë vepër si vrasje e rëndë në tentativë, ky prokuror e cilësoi si shkaktim të rrezikut të përgjithshëm me përdorimin e armëve!?
Vegëza e reagimit të subjektit politik serb “Lista Serbe”:
Pjesë e reagimit të subjektit politik serb “Lista Serbe”:
Vendimi i prokurorit shqiptar nga Ferizaj që aktin e një pjesëtari shqiptar të FSK-së, i cili në ditën e Krishtlindjeve në Gotovushë tentoi të vriste fëmijët serbë dhe me atë rast u kishte shkaktuar me armë zjarri lëndime të rënda fizike, e cilësoi si rrezik të përgjithshëm. shembull i dhunës sistematike dhe të planifikuar institucionale të regjimit antiserb të Albin Kurtit me qëllim të frikësimit dhe dëbimit të serbëve nga shtëpitë e tyre.
Pas publikimit të ecurisë së procesit hetimor e gjyqësor të rastit të Azem Kurtajt nga Prokuroria Themelore dhe nga pala mbrojtëse, “Lista Serbe” ka pretenduar se rasti në fjalë ndërlidhet me një “dhunë sistematike dhe të planifikuar institucionale të regjimit antiserb të Albin Kurtit”.
Për më tepër, interpretimi i këtij subjekti politik se ky veprim po bëhet “me qëllim të frikësimit dhe dëbimit të serbëve nga shtëpitë e tyre”, është pretendim i pabazuar në fakte konkrete. Pra, në reagimin e kësaj partie politike, nuk ka ndonjë trajtim që arrin të ndërlidhë vendimin e Prokurorisë Themelore të Ferizajt me ndonjë vendim politik. Gjithashtu, në reagim nuk argumentohet as për ekzistimin e ndonjë plani të, siç e quajnë “Prishtinës zyrtare”, për të frikësuar e dëbuar serbët.
Ndërlidhja mes vendimit të Prokurorisë dhe ndonjë qëllimi politik të pretenduar në reagimin e Listës Serbe, nuk ka bazë të mjaftueshme as kur kihen parasysh edhe raportet ndërkombëtare që tregojnë për avancimin e pavarësimin e gjyqësorit. (këtu)
Pjesëtari i FSK-së, Azem Kurtaj, ka dalë më 9 mars para Gjykatës Themelore në Ferizaj për plagosjen e dy fëmijëve të komunitetit serb në fshatin Govushë të Shtërpcës në fillim të këtij viti.
Ndërkaq, siç bënë të ditur Kujtim Kerveshi, avokati mbrojtës i Azem Kurtajt, klienti i tij akuzohet për veprën penale “shkaktim i rrezikut te përgjithshëm dhe përdorim i armës”. (këtu)
Analiza:
Subjekti politik i komunitetit serb në Kosovë, “Lista Serbe” pretendon pa fakte se sigurimi i provave nga ana prokurorisë së Ferizajit që Azem Kurtaj të akuzohet për veprën penale “shkaktim i rrezikut të përgjithshëm dhe përdorim i armës apo mjetit të rrezikshëm”, paraqet dhunën sistematike dhe të planifikuar institucionale të regjimit antiserb të Albin Kurtit.
Ky subjekt pretendon në mënyrë tendencioze se ky veprim po bëhet me qëllim të dëbimit të serbëve nga vendbanimet e tyre.
Bazuar në metodologjinë e punës, hibrid.info këto pretendime i konsideron si “teori konspirative”.
Vlerësimi:
Vlerësim si “Teori konspirative” marrin ato raportime mediatike të cilat shpërndajnë një përshkrim të rremë ose të paverifikueshëm të një dukurie, ngjarje ose një personi, duke e paraqitur atë si pjesë ose rezultat të një plani të fshehtë (“komplot”). Karakteristikë e këtyre raportimeve është se ato paraqesin një seri pretendimesh, të paraqitura si fakte, midis të cilave vendosen marrëdhënie shkak-pasojë, pa ofruar ndonjë provë të besueshme.
