Mediumi në gjuhën shqipe “Kosova-sot.info” sot (06 shtator) ka publikuar në të cilën pretendon për të fakte të reja rreth magjisë së zezë.
Artikulli mbanë titullin “Fakte të reja për magjinë e zezë që nuk i keni dëgjuar kurrë më pare” në të cilën pretendon në fakte të reja për magjinë e zezë, edhe pse nuk jepen të dhëna të bazuara në hulumtime vërtetuese.
Pas verifikimit të fakteve, hibrid.info vlerëson se ky artikull klasifikohet si teori konspirative.
Vegëza e artikullit të botuar në “Kosova-sot.info”:
Pjesë nga teksti origjinal i publikuar në portalin “Kosova-sot.info”:
Magjia e zezë mund të bëhet në mënyra të ndryshme, por mënyra më e lehtë është që të bëhet me anë të ushqimit. Pra, ushqimet “mallkohen” dhe kush i ha ato, e pëson. Kjo është forma më e lehtë që t’i bëhet dikujt keq me anë të magjisë. Nëse njihni dikë që bën ëmbëlsira të ndryshme dhe i dhuron ato falas, atëherë duhet të keni dyshime rreth qëllimeve të tyre. Natyrisht, nuk d.m.th. automatikisht që njerëzit e tillë janë magjistarë. Por, duhet të kini kujdes!
Analiza:
Artikulli i publikuar nga mediumi në gjuhën shqipe “Kosova-sot.info” hedh pretendime të pabazuar në të dhëna të vërtetuara mbi magjinë e zezë.
Hybrid.info, në bazë të metodologjisë së punës vlerëson se këto pretendime klasifikohen si “teori konspirative”.
Arsyetimi:
Vlerësim si “Teori konspirative” marrin ato raportime mediatike të cilat shpërndajnë një përshkrim të rremë ose të paverifikueshëm të një dukurie, ngjarje ose një personi, duke e paraqitur atë si pjesë ose rezultat të një plani të fshehtë (“komplot”). Karakteristikë e këtyre raportimeve është se ato paraqesin një seri pretendimesh, të paraqitura si fakte, midis të cilave vendosen marrëdhënie shkak-pasojë, pa ofruar ndonjë provë të besueshme.