Disa faqe në Facebook, kanë publikuar një përmbajtje më 22 dhe 23 nëntor ku pretendohet se presidenti i Turqisë, Recep Tayyip Erdogan është përplasur për çështje të Kosovës me Joseph Borell, përfaqësues i lartë i Bashkimit Evropian (BE) për Politikë të Jashtme dhe Siguri.
Përmbajtja e publikuar në këto postime të këtyre faqeve, disa nga të cila paraqiten edhe si media (shih këtu dhe këtu), është titulluar “Përplasje Borrell Erdogan për Kosovën”. Në këtë përmbajtje pretendohet pa fakte se presidenti turk iu është kundërpërgjigjur përfaqësuesit të BE-së duke e qartësuar gjoja se nuk mund të ketë eskalim të gjendjes së sigurisë në Kosovë.
Sipas pretendimit të bërë përmes përmbajtjes së postimit në këto faqe, reagimi i presidentit turk erdhi si rezultat i deklaratës së Borrell-it për kundërshtimin e propozimit të BE-së nga pala kosovare në takimin e fundit në Bruksel mes kryeministrit Albin Kurti dhe presidentit të Serbisë, Aleksandar Vuçiq.
Edhe pse theksohet se, ky reagim i presidentit turk kundër Borrell bëri bujë të madhe në Twitter, hibrid.info nuk ka arritur të gjejë deklaratën e bërë në këtë rrjet social.
Vegëzat e përmbajtjeve të publikuara në faqe e Facebook-ut:
Pjesë të përmbajtjes së publikuar në faqet në Facebook:
Presidenti BE-së Josep Borrell kritikoi Kryeministrin e Kosovës Albin Kurtin për mos zbatimin e urdhërit nga BE-ja dhe Borrell tha se Bashkimi europjan nuk do të mbajë përgjegjësi nëse eskalon situata në veri të Kosovës por këtu nuk mungoi reagimi i qeveris Turke ku presidenti Turk Rexhep tayp Erdogan iu kundër përgjigj presidentit të BE-së duke i thënë se asgjë nuk mund të eskalojë në Kosovë pasi që situata në Kosovë do të jetë stabile dhe askush nuk do të mund të përzihet në stabilitetin dhe vendimet që i merr Republika e Kosovës, ky reagim i presidentit Turk kundër Borrell bëri bujë të madhe në twitter…
Autori i përmbajtjes pretendon se presidenti i Turqisë ka reaguar lidhur me deklaratat e përfaqësuesit të BE-së, Borrell, i cili e fajësoi Kurtin për mos arritjen e marrëveshjes dhe se BE-ja nuk do të mbajë përgjegjësi nëse eskalon situata në veri të Kosovës. Ai nuk ofron ndonjë referencë kredibile që mund të referohemi për ta verifikuar atë.
Në përmbajtje thuhet se reagimi i presidentit turk ka bërë bujë të madhe në Twitter, edhe pse hibrid.info nuk ka arritur të gjejë pretendimin e bërë nga autori i përmbajtjes.
Në faqen zyrtare të presidentit të Turqisë në mesin e deklaratave të bëra së fundmi nuk gjendet ndonnjë reagim nga deklaratave të Borellit. (këtu)
Po ashtu edhe në postimet e fundit në llogarinë e tij në Tëitter, presidenti i Turqisë nuk është shprehur në lidhje me Kosovën dhe bisedimet në Bruksel. (këtu)
Analiza:
Disa faqe në Facebook kanë publikuar përmbajtje me pretendimin se presidenti i Turqisë, Recep Tayyip Erdogan ka reaguar lidhur me deklaratat e përfaqësuesit të BE-së, Josep Borell, i cili e fajësoi Kurtin për mos arritjen e marrëveshjes dhe që BE-ja nuk do të mbajë përgjegjësi nëse eskalon situata në veri të Kosovës.
Përkundër faktit që thuhet se ky postim me pretendimin e ekzistimit të një reagimi të tillë nga presidenti turk, dhe se i njëjti reagim i pretenduar është shpërndarë në masë të madhe të madhe në Twitter, hibrid.info pas verifikimi të fakteve nuk arritur ta konfirmojë këtë deklaratë në këtë platformë.
Bazuar në metodologjinë e punë, hibrid.info këtë pretendim e vlerëson si përmbajtje “ e pa verifikuar”.
Arsyetimi:
“I pa verifikuar” klasifikohen ato raporte mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
