Portali informativ “indeksonline.net” në faqen e tyre në Instagram ka publikuar dje (12 shtator) një fotografi të futbollistit të reprezentacionit të Kosovës, Vedat Muriqi me mbishkrimin “Vedat Muriqi ua tregon rumunëve flamurin e Kosovës”.
Në foto shihet Vedat Muriqi me fanellën vendase të Kosovës duke treguar me dorën e majtë stemën në fanellë.
Pas verifikimi të fakteve të kryera nga hibrid.info është gjetur se fotografia nuk është nga ndeshja Rumani-Kosovë.
Vegëza e fotografisë së publikuar në faqen e “Indeksonline” në Instagram:
Me fotografinë e Muriqit me fanellën vendase të Kosovës u pretendua se ai ua tregoj flamurin e Kosovës rumunëve.
Pas hulumtimit të bërë me metodat e kërkimit online është gjetur se fotografia e Muriqit është nga ndeshja Kosovë-Zvicër e zhvilluar me 7 shtator.
Muriqi të veshur ka fanellën e kaltër që nënkupton fanellën që Kosova e veshë kur luan në shtëpi bazuar në prezantimin e fanellave nga Federata e Futbollit të Kosovës (FFK). (këtu)
Ndërsa, në ndeshjen Rumani-Kosovë, futbollistët i kishin të veshura fanellat e bardha, fanellë kjo për ndeshja si mysafirë. (shih këtu)
Analiza:
Faktet tregojnë se fotografia ku shihet Muriqi me fanellë të kaltër duke treguar stemën me dorën e majtë është nga ndeshja Kosovë- Zvicër.
Prandaj, pretendimi se Muriqi ua tregojë flamurin e Kosovës rumunëve nuk qëndron.
Bazuar në metodologjinë e punës, hibrid.info këtë pretendim e cilëson si “Përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
