Portali i dyshimtë “newstoday74.com” ka publikuar një artikull duke pretenduar rrejshëm se “nga data 25 gusht disa komuna në Kosovë do të kenë mbyllje totale si pasojë e rritjes së rasteve me virusin Korona”.
Nga verifikimi i fakteve, hibrid.info ka vërtetuar se ky artikull përmban titull të rremë, i cili nuk përputhet me përmbajtje. Lajmi është i vjetër, i publikuar më 8 shtator të vitit 2020 nga gazeta online “Sinjali.com”, ku tregon numrin e rasteve pozitive me COVID-19 të asaj dite.
Pra, pretendimi se nga data 25 gusht, disa komuna do të kenë mbyllje totale si pasojë e rritjes së numrit e të infektuarave me COVID-19, është i pavërtetë.
Teksti i artikullit të publikuar në “newstoday74.com”:
Nga data 25 Gusht këto janë komunat që do të mbyllen për 1 javë
Gjatë 24 orëve të fundit në Kosovë janë regjistruar edhe 97 raste të reja me COVID-19, raporton Gazeta Sinjali.
Sipas Institutit Kombëtar të Shëndetësisë Publike të Kosovës, rastet e reja vijnë nga 23 komuna të Kosovës.
“Rastet pozitive janë nga: komuna Prishtinë 27 raste, komuna Gjilan 8 raste, komuna Klinë 8 raste, komuna Pejë 8 raste, komuna Gjakovë 5 raste, komuna Vushtrri 5 raste, komuna Drenas 4 raste, komuna Fushë Kosovë 4 raste, komuna Mitrovicë 4 raste, komuna Obiliq 4 raste, komuna Deçan 2 raste, komuna Kamenicë 2 raste, komuna Lipjan 2 raste, komuna Podujevë 2 raste, komuna Prizren 2 raste, komuna Rahovec 2 raste, komuna Viti 2 raste dhe me nga një rast komunat Ferizaj, Hani i Elezit, Shtime, Skenderaj, Suharekë dhe Zubin Potok. ”, thuhet në njoftimin e IKSHPK-së.
Vegëza e artikullit të publikuar në “newstoday74.com”:
I njëjti artikull i publikuar nga “newstoday74.com” është shpërndarë edhe nga disa faqe në Facebook si: “Në Kohë” dhe “Specialja”.
https://www.facebook.com/nekohe/posts/194509572710277
https://www.facebook.com/revistaspecialja/posts/355028359594918
Më poshtë mund të gjeni artikullin autentik të publikuar në kohë reale (8 shtator 2020) nga portali “Sinjali.com”:
Analiza:
Portali i dyshimtë “newstoday74.com” ka publikuar një artikull të vjetër të marrë nga “sinjali.com”, ku tregohej për numrin e të infektuarve me COVID-19 të datës 8 shtator 2020.
Këtij artikulli qëllimshëm i është vënë titulli i rremë, përmes së cilit pretendohet se “nga data 25 Gusht këto janë komunat që do të mbyllen për 1 javë”. I njëjti artikull është shpërndarë edhe në Facebook nga faqet “Në Kohë” dhe “Specialja”.
Pas analizës së kontrollit të fakteve bazuar në metodologjinë e punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.