Portali i dyshimtë me përmbajtje në gjuhën shqipe “albasky.com” ka publikuar një artikull me titull “Alarm për gjithë Kosovën: Ja kush e dëshiron rrëzimin e Albinit dhe po pregatit kurthin për të”.
Hibrid.info ka verifikuar faktet në këtë artikull dhe ka vërtetuar se artikulli i bërë është i bazuar nga një opinion i botuar më 18 korrik 2021, portalin informativ “Botsot.info”. Ky opinion ishte bazuar në ngjarjet politike të asaj kohe.
Përfaqësuesit e partive opozitare, LDK dhe AAK, atëkohë kërkonin të organizoheshin protesta me qëllim rrëzimin e Qeverisë Kurti, si pasojë e disa ngjarjeve që u zhvilluan në muajin korrit të vitit të kaluar, si helmimi i qytetarëve në Deçan (shih këtu), si dhe vendimi i Qeverisë për taksën prej 5 eurosh për regjistrimin e automjeteve. (shih këtu)
Pra, lajmi është i vjetër dhe portali i dyshimtë “albasky.com” është munduar ta paraqesë atë si aktual.
Vegëza e artikullit të publikuar në portalin e dyshimtë “albasky.com”:
Ky artikull u shpërnda edhe në Facebook nga faqja “Gazeta Aktive”, e cila numëron mbi 90 mijë ndjekës. (shih këtu)
Pas hulumtimit të kryer përmes makinave online të kërkimi, hibrid.info ka gjetur artikullin autentik të publikuar në kohë reale (18 korrik 2021) nga portali “Botasot.info”. (shih këtu)
Analiza:
Portali i dyshimtë “albasky.com” ka publikuar një artikull të vjetër të muajit korrik 2021, të cilin është munduar ta paraqesë si aktual.
Pas analizës së kontrollit të fakteve, hibrid.info e ka vlerësuar këtë artikull si “Clickbait”.
Arsyetimi:
“Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.