Disa portale të dyshimta kanë publikuar një artikull me titull “Kerset grushti mes Kosovareve dhe Serbeve ne kete vend , PAMJE TE RENDA”.
Lajmi në përmbajtje të artikullit paraqet një ngjarje sportive, përkatësisht një turnir të boksit të mbajtur më 11 mars në Sofje të Bullgarisë, ku sipas shortit, disa boksierë të Kosovës janë ballafaquar me ata të Serbisë.
Në titullin e artikullit në fjalë nuk jepen sqarime se përleshja mes kosovareve dhe serbëve është bërë si pjesëmarrës në turnirin e boksit. Për më tepër, në fotografinë ilustruese shihet një pjesë e një rruge në Bregun e Diellit në Prishtinë, si dhe disa vetura të Policisë së Kosovës, duke lënë të kuptohet se përleshja ka mundur të jetë bërë si rezultat i ndonjë zënke.
Teksti i artikullit i publikuar në disa portale të dyshimta:
Kerset grushti mes Kosovareve dhe Serbeve ne kete vend , PAMJE TE RENDA
Boksierët e Kosovës po marrin pjesë në turneun ndërkombëtar “Emil Jechev” në Sofje të Bu8llgarisë./ Sipas shortit, disa boksierë të Kosovës u ballafaquan me ata të Serbisë, ja si përfunduan meçet. “Fitore e Luar Aliut në gjysmë finale kundër boksierit nikoqir, bullgarit Shakir Stoqnov. Aliu gjatë tre raundeve në ring dominoi dhe me plot meritë u shpall fitues dhe u kualifikua për në finale, i cili do të takohet me boksierin nga Italia
Vegëza e artikullit të publikuar në disa portale të dyshimta:
Më poshtë mund të gjeni artikullin autentik të publikuar në kohë reale nga portali “bota-sot.info”:
Analiza:
Këto portale të dyshimta kanë përdorur një lajm rreth organizimit të një turniri të boksit të mbajtur në Bullgari, ku janë ndeshur boksierët nga Kosova me ata nga Serbia. Këtij artikulli i kanë vënë qëllimshëm titull tendencioz dhe fotografi që nuk përputhet me tekstin, në mënyrë që të tërheqë sa më shumë lexues.
Pas analizës së kontrollit të fakteve nga hibrid.info, del që ky artikull vlerësohet si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.