Portali i dyshimtë me përmbajtje në gjuhën shqipe “ingazetaa.com” dje (14 korrik) ka publikuar artikullin me titull “Në Kuvend sot do merret ky vendim për tërheqjen e mjeteve nga Trusti”.
Pas verifikimit të fakteve, hibrid.info ka vërtetuar se titulli i këtij artikulli është i rremë pasi, i njëjti, nuk i përgjigjet përmbajtjes.
Në përmbajtje gjendet njoftimi për dorëzimin në Kuvend të peticionit për tërheqjen e mjeteve nga Trusti të nënshkruar nga një numër i qytetarëve.
Ky njoftim është bërë në grupin “PRO TERHEQJES 30 % TE TRUSTIT” në Facebook nga iniciatori i kësaj nisme – Adnan Jashari.
Pra, nuk pritet të merret ndonjë vendim në Kuvend për tërheqjen e mjeteve nga Trusti, siç pretendohet rrejshëm në titullin e këtij artikulli.
Vegëza e artikullit të publikuar në portalin e dyshimtë “ingazetaa.com”:
Ky artikull me titull të rremë është shpërndarë edhe nga disa faqe në Facebook si “Gazeta” dhe “Gazeta Reale”.
Njoftimi për dorëzimin në Kuvend të peticionit për tërheqjen e mjeteve nga Trusti, është publikuar edhe në disa media online në Kosovë, të cilat kanë raportuar saktë lidhur me këtë çështje. (shih këtu dhe këtu)
Pas hulumtimit të kryer përmes makinave online të kërkimit dhe rrjeteve sociale, hibrid.info ka gjetur njoftimin nga iniciatori i kësaj nisme Adnan Jashari të postuar në Facebook në grupin “PRO TERHEQJES 30 % TE TRUSTIT”. (shih këtu)
Analiza:
Portali i dyshimtë “ingazetaa.com” ka publikuar njoftimin për dorëzimin në Kuvend të peticionit për tërheqjen e mjeteve nga Trusti të nënshkruar nga një numër i qytetarëve.
Mirëpo, ky portal i dyshimtë këtij artikulli i ka vënë titull të rremë me pretendimin se sot në Kuvend do merret ky vendim për tërheqjen e mjeteve nga Trusti.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.