Portale të dyshimta me përmbajtje në gjuhën shqipe kanë publikuar një artikull me titull “Ndodh edhe kjo! Për një drekë me makarona paguajnë 508 euro në Shqipëri”.
Pas verifikimit të fakteve, hibrid.info ka vërtetuar se titulli i këtij artikulli rezulton të jetë i rremë, i cili nuk përputhet me përmbajten.
Në përmbajtje bëhet e ditur se ngjarja nuk ka ndodhur në Shqipëri, por në një restoran në Itali.
Vegëza e artikullit të publikuar në portalet e dyshimta “Banglacontent24.com” dhe “Web.gazetakorrekte.com”:
Ky artikull me titull të rremë është shpërndarë edhe në Facebook nga disa faqe në gjuhën shqipe, si “Gazeta Aktive”, “Gazeta Korrekte”, “Pika Press” dhe “Lajmet e Fundit +”.
Pas hulumtimit përmes makinave online të kërkimit, hibrid.info ka arritur të gjejë artikullin autentik, të publikuar në disa media online në Itali. (shih këtu dhe këtu)
Gjithashtu, për të qartësuar edhe më shumë faktin se ngjarja ka ndodhur në një restoran në Itali, hibrid.info ka gjetur edhe postimin në Facebook nga personi me emër “Giorgio Tordini”, i cili është ankuar për çmimin e shtrenjtë të faturës. (shih këtu)
Analiza:
Portale të dyshimta kanë publikuar një artikull lidhur më çmimin e shtrenjtë të një faturës në një restoran në Itali.
Por, në titullin e këtij artikulli është pretenduar rrejshëm se ngjarja ka ndodhur diku në Shqipëri.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.