Faqet në Facebook “Exclusive Albania Today”, “Shqipet” dhe “Feja Ime” kanë publikuar dje (29 janar) një konkurs për një vend të lirë pune të shpallur nga Kampi Bondsteel.
Pas verifikimit të fakteve të kryer nga hibrid.info, është vërtetuar se ky konkurs është i vjetër, i publikuar më 4 nëntor 2022 e që ishte i hapur deri më 17 nëntor (2022).
Pra, faqet e lartcekura janë munduar ta paraqesin këtë konkurs të vjetër si aktual, duke lënë vend për keqinformim te lexuesit.
Vegëzat e artikullit të publikuar në Facebook nga faqet “Exclusive Albania Today”, “Shqipet” dhe “Feja Ime”:
Pas hulumtimit të kryer përmes makinave online të kërkimit, hibrid.info ka arritur të gjejë këtë konkurs pune të publikuar në kohë reale (4 nëntor 2022) në disa media online në Kosovë. (shih këtu dhe këtu)
Analiza:
Disa faqe në Facebook kanë publikuar dje (29 janar) një konkurs për një vend të lirë pune të shpallur nga Kampi Bondsteel.
Pas hulumtimit të kryer nga hibrid.info, është vërtetuar se ky konkurs është i vjetër, i publikuar në nëntor të vitit 2022. Ndërsa faqet e lartcekura janë munduar ta paraqesin atë si aktual.
Bazuar në metodologjinë e punës, hibrid.info e vlerëson këtë artikull si “Clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
