Publikohet lajm i vjetër me titull të sajuar
Portali i dyshimtë “shqip.albanian-news.com” ka publikuar një artikull me titull “Lajmi i fundit Forcat serbe shtohen rreth kufirit me Kosovën”.
Nga verifikimi i fakteve i kryer nga hibrid.info, është vërtetuar se artikulli përmban lajm të vjetër dhe titull të sajuar, pasi pretendohet rrejshëm se ka të bëjë me ndonjë “lajm të fundit”.
Pas hulumtimit përmes makinave të kërkimit dhe rrjeteve sociale, hibrid.info ka gjetur artikullin autentik, i cili është i vjetër dhe i publikuar më 8 shkurt 2021 nga portali “syri.net”.
Pra, portali i dyshimtë “shqip.albanian-news.com” ka publikuar një artikull të vjetër, duke pretenduar rrejshëm se lajmi është aktual.
Vegëza e artikullit të publikuar në “shqip.albanian-news.com”:
Ky artikull i vjetër me titull të sajuar është publikuar edhe në Facebook nga faqja “Gazeta Botërore”, e cila numëron mbi 450 mijë ndjekës.
https://www.facebook.com/111958850936990/posts/280991970700343/
Më poshtë mund të gjeni artikullin autentik të publikuar në kohë reale (8 shkurt 2021) nga portali “syri.net”.
https://www.syri.net/syri_kosova/sociale-lajme/216225/forcat-serbe-shtohen-rreth-kufirit-me-kosoven/
Analiza:
Portali i dyshimtë “shqip.albanian-news.com” ka publikuar një artikull të vjetër, me pretendimin ta paraqesë atë si aktual, duke e plasuar si “lajmi të fundit”.
Nga analiza e kontrollit të fakteve e kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.