Shkroi: Fatbardh Dema
U pretendua se ekipi futbollistik Paris Saint-Germain ka fituar ndeshjen ndaj Borussia Dortmund në kuadër të Ligës së Kampionëve.
Postimi u publikua sot (2 maj) nga portali informativ “Ntv.al” në faqen zyrtare në Facebook, me mbishkrimin “CHAMPIONS LEAGUE, PSG VIJON TRADITEN, MPOSHT DORTMUNDIN NE GJYSME FINALEN E PARE”.
Pas verifikimit të fakteve të kryer nga hibrid.info, është vërtetuar se pretendimi është i pasaktë, pasi që ndeshja e mbrëmshme në kuadër të Ligës së Kampionëve u mbyll me fitoren e Dortmundit ndaj PSG, me rezultat 1-0.
Vegëza e postimit të publikuar në Facebook nga “Ntv.al”:
Pretendimi i pasaktë në lidhje me rezultatin e kësaj ndeshjeje u bë vetëm në mbishkrim të postimit në Facebook, ndërsa në përmbajtje të artikullit sqarohet saktë se përmballja në mes të këtyre dy skuadrave u mbyll me fitoren e Dortmund-it.
Në uebfaqen zyrtare të shtëpisë së futbollit evropian “UEFA”, sqarohet se ndeshja u fitua nga Borussia Dortmund me rezultat 1-0. (shih këtu)
Analiza:
Pas verifikimit të fakteve, hibrid.info ka vërtetuar se portali informativ “Ntv.al” ka pretenduar gabimisht se ndeshja ndërmjet Borussia Dortmund dhe Paris Saint-Germain u mbyll me fitoren e skuadrës francize.
Bazuar në metodologjinë e punës, hibrid.info e vlerëson këtë postim si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.