Përdorues të rrjeteve sociale kanë shpërndarë një postim që pretendon se autoritetet e kryeqytetit të SHBA-së, Washington D.C. janë duke bërë kontroll të letërnjoftimeve për njerëzit që kërkojnë të hyjnë Brenda në qytet. Por, bazuar në kontroll të fakteve të bërë nga “Reuters” rezulton që ky pretendim të jetë i pavërtetë.
Shembuj të këtij postimi:
https://www.facebook.com/only1charlene/posts/10225048375021766
https://www.facebook.com/josh.hazelwood.35/posts/1022151778194570
https://www.facebook.com/al.murrell1/posts/10225093074743808
Në njërin nga postimet shkruan:
“Kontrollimi i ID-ve për të hyrë në Washington DC …….. Por, nëse do të kishim kontrolluar ID-të në votime nuk do të ishim në rrëmujën në të cilën ndodhemi”.
Mirëpo, kryeqyteti amerikan, në të vërtetë, nuk ka ndërmarr masa shtesë të sigurisë pas 6 janarit, përgatitjeve për inaugurimin e Presidentit Joe Bide, që u bë më 20 janar.
Forca të sigurisë kanë dal sërish në mbrojtje të ndërtesës së Kapitolit më 4 mars, dita për të cilën përcjellësit e grupit QAnon, bazuar në teori konspirative, kishin parashikuar se ish-Presidenti amerikan, Donald Trump, do të kthehet në zyrën e tij në Shtëpinë e Bardhë.
Por, Alaina Gertz, specialist e marrëdhënieve me publikun në Departamentin e Policisë Metropolitane të Washingtonit, ka thënë për Reuters se pretendimet e bëra nëpër rrjete sociale janë të rreme. “Nuk ka asnjë kërkesë për letërnjoftim apo ndonjë kontroll tjetër që po praktikohet për distriktin e Kolumbias”, ka thënë Gertz. “Nuk më kujtohet ndonjë rast kur ne kemi pasur ndonjëherë kërkesa të tilla në qytet”.