Shkroi: Fatbardh Dema
Një mesazh në aplikacionin për komunikim WhatsApp po qarkullon në numrat e telefonave në Kosovë.
Përmes këtij SMS-i ofrohet një vegëz, përmes së cilës pretendohet se ofrohet mundësi për të përfituar mbushje falas prej 5 euro.
Ky SMS po dërgohet nga numrat e kontaktit që i posedon përdoruesi.
Çka gjeti hibrid.info?
Hibrid.info ka verifikuar vegëzën që ofrohet në këtë SMS “tinyurl.com/solde-kx”. Pas klikimit në të, hapet një ueb-faqe me emrin “maeoi.com”.
Hibrid.info ka verifikuar këtë ueb-faqe dhe rezultatet tregojnë se ajo është e dyshimtë.
Hibrid.info ka verifikuar kredibilitetin e kësaj ueb-faqeje përmes platformës që vlerëson besueshmërinë e faqeve, “Scamdoc.com”. Rezultatet tregojnë se kjo ueb-faqe ka besueshmëri të ulët dhe është e dyshimtë (shih këtu).
Në këtë ueb-faqe të dyshimtë “maeoi.com” paraqitet një mundësi për të klikuar, me pretendimin se operatorët telefonik IPKO dhe VALA po ofrojnë falas 5 euro mbushje dhe 10 gigabajt internet falas.
Hibrid.info ka hulumtuar në faqet zyrtare të këtyre operatorëve në Facebook, dhe vërehet se një ofertë e tillë nuk është bërë nga IPKO apo VALA. (shih këtu dhe këtu)
Analiza:
Një SMS me një vegëz po qarkullon në aplikacionin WhatsAPP, përmes së cilës pretendohet se pasi të klikohet në të ofrohet mundësia për të përfituar mbushje e internet falas nga IPKO dhe VALA.
Pas hulumtimit të kryer nga hibrid.info, është vërtetuar se vegëza që paraqitet në këtë SMS, është e dyshimtë. Po ashtu, një mundësi e tillë nuk ofrohet nga këta dy operatorë telefonik.
Bazuar në metodologjinë e punës, hibrid.info e vlerëson këtë SMS si “Mashtrim”.
Arsyetimi:
Vlerësimi “Mashtrim” u bëhet atyre përmbajtjeve informative të cilat manipulohen si në aspektin vizual (deepfake, cheapfake), zanor (audio) apo tekstual të përmbajtjes për të mashtruar audiencën. Zakonisht kjo formë e mashtrimit përdoret për të prodhuar përmbajtje të paqena dhe të manipuluara.