Në faqen “Gazeta Aktive” në Facebook, është shpërndarë një artikull i portalit të dyshimtë “gjithckafresh.info” me titull ‘Danke MERKEL / Shqipërisë dhe Kosovës në këtë muaj do tia dhuron vaksinën Gjermania’.
Ky artikull përmban titull të rremë që nuk përputhet me tekstin. Në përmbajtjen e këtij shkrimi gjendet një lajm që nuk përputhet fare me atë që pretendohet në titull, e që ka të bëjë me vendimet e autoriteteve të Shqipërisë, për kontrollin në pikat kufitare në portet detare, si masë anti-covid, për personat që futën brenda territorit të këtij shteti.
Teksti i artikullit të publikuar nga Gazeta Aktive:
Danke MERKEL / Shqipërisë dhe Kosovës në këtë muaj do tia dhuron vaksinën Gjermania
Vetëm 5 pasagjerë ishin në bordin e Tragetit nga Brindizi që mbërriti mëngjesin e së martës në Portin e Vlorës.
Forcimi i masave kundër përhapjes së koronavirusit nga Vendet e BE, që lejojnë lëvizjen vetëm të disa kategorive, dhe kanë vendosur tamponin negativ për koronavirus si kusht ka ndikuar në uljen e ndjeshme të lëvizjes. / Hap Pamjet Ekskluzive pasi ta tejkalosh marketingun
Vegëza e artikullit të publikuar nga Gazeta Aktive:
Më poshtë mund të lexoni artikullin origjinal, nga i cili është përdorur pjesërisht lajmi i publikuar në gjithckafresh.info:
Analiza:
Ky shkrim i cili përmban titull të sajuar, gjithashtu ka edhe fotografinë e kancelares gjermane Angela Merkel. Me këta ‘faktorë’ ky portal i dyshimtë synon që të tërheqë lexuesit dhe, me anë të klikimeve, të përfitojë materialisht. Pas verifikimit të fakteve, Hibrid.info këtë artikull e ka cilësuar si “Dezinformatë” dhe “Clickbait”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
