Portali “Arbresh.info” ka publikuar një artikull me titull “Bilanci i COVID-19, 33 mijë të infektuar në të gjithë botën”.
Ky portal ka bërë gabim në titull, pasi bilanci i të infektuarave në botë me virusin Korona ka kaluar shifrën 33 milionë. Pra, siç duket, ka qenë një vetëm një lëshim teknik i publikuesit të këtij artikulli, por i cili mund të keq-informojë lexuesit.
Arbresh.info këtë artikull të përkthyer në gjuhën shqipe e ka marrë nga GazetaExpress.com, të cilën e ka cituar. Ndërsa pas verifikimit nga hibrid.info, në Gazetën Express titulli është në rregull, pra tregon shifrën e saktë e të infektuarve me COVID-19 në botë.
Teksti i plotë në artikullin e publikuar në Arbresh.info:
Bilanci i COVID-19, 33 mijë të infektuar në të gjithë botën
Koronavirusi po vazhdon të prek shumë persona anë e mbanë botës.
Sipas worldometers.info numri i personave të infektuar ka arritur në 33,009,569, viktima 997,381 dhe 24,342,522 të shëruar
Shtetet e Bashkuara të Amerikës zënë vendin e parë me 7,280,860 të infektuar, 209,090 të vdekur dhe 4,511,736 pacientë të shëruar.
India zë vendin e dytë me 5,990,513 persona të infektuar, 94,533 viktima dhe 4,938,641 të shëruar.
Ndërsa në vendin e tretë radhitet Brazili me 4,717,991 të prekur, viktima janë 141,406 dhe 4,040,949 pacientë të shëruar.
Kujtojmë se koronavirusi për herë të parë u përhap në Wuhan të Kinës dhjetorin e vitit të kaluar, teksa deri tash është përhapur në mbi 188 vende të botës – ku rajonet më të goditura janë Amerika dhe Europa./express/
Vegëza e artikullit të publikuar në Arbresh.info:
Ky artikull, bazuar në kohën e publikimit (26/09/2020 23:44), shihet se për herë të parë është publikuar nga gazetaexpress.com.
Analiza:
Pas verifikimit nga hibrid.info, titulli i artikullit në Arbresh.info është i shkruar gabim pa qëllimin e qartë të dezinformimit të publikut dhe hyn në kategorinë “Gabim”.
Arsyetimi:
Gabimi
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
